CIG Saude | Ferrol | A Coruna | Vigo | Pontevedra | Ourense | Lugo | Santiago | Monforte | Burela | 061 | AgMedica


logocigsaudebarco4


<<  Novembro 2019  >>
 Lu  Ma  Me  Xo  Ve  Sa  Do 
      1  2  3
  4  5  6  7  8  910
11121314151617
18192021222324
252627282930 
Frase pra baixar os modulos en firefox

publicación DOG categoria de documentación sanitaria Imprimir Correo-e
Normativa
Luns, 10 Maio 2010 08:02

O Decreto no DOG

Decreto 73/2010, do 29 de abril, polo que se configura e introduce a especialidade en documentación sanitaria na categoría estatutaria de técnico/a especialista do Servizo Galego de Saúde.

Decreto 73/2010, do 29 de abril, polo que se configura e introduce a especialidade en documentación sanitaria na categoría estatutaria de técnico/a especialista do Servizo Galego de Saúde.

No tempo transcorrido desde a creación do Servizo Galego de Saúde producíronse importantes cambios na atención sanitaria prestada nas súas institucións. O dereito á protección da saúde consagrado no artigo 43 da Constitución require dos poderes públicos unha constante adaptación das estruturas sanitarias ás novas necesidades e a incorporación ás ditas estruturas, cando sexa procedente, de persoal cunha formación profesional específica para a realización de determinadas funcións.

Nos últimos anos obsérvase un incremento considerable da demanda asistencial na atención especializada e na atención primaria, tanto en hospitalización coma nas consultas e en urxencias. Tendo en conta o anterior, veñen funcionando nos centros sanitarios os servizos de admisión e documentación clínica, encargados da organización e tratamento da información e documentación clínica e a súa codificación.

Para a súa correcta xestión operativa parece adecuada a incorporación de persoal formado especificamente para a realización de funcións de xestión e organización da documentación sanitaria, así como de avaliación e control de calidade nesa materia; e isto sen prexuízo de que concorran no desempeño destas actividades e funcións con outras categorías de persoal sanitario e de xestión e servizos.

Preténdese, pois, incorporar persoal técnico especialista que, baixo a supervisión correspondente, colabore en definir e organizar procesos de tratamento da información e da documentación clínica, codificándoa e garantindo o cumprimento das normas da Administración sanitaria e dos sistemas de clasificación e codificación internacionais.

O colectivo de persoal que se axusta a estes requirimentos é o que acredita o título de técnico/a superior en documentación sanitaria establecido polo Real decreto 543/1995, do 7 abril (BOE número 133, do 5 xuño).

A creación da nova especialidade dentro da categoría de técnicos/as especialistas, en exercicio das competencias atribuídas nos artigos 14 e 15 da Lei 55/2003, do 16 de decembro, do Estatuto marco do persoal estatutario dos servizos de saúde, e no artigo 113 da Lei 8/2008, do 10 de xullo, de saúde de Galicia, responde ao consenso existente na mesa sectorial de negociación respecto á necesidade de promover a incorporación de profesionais da área sanitaria con novas titulacións aos cadros de persoal das institucións sanitarias. Esta previsión, polo demais, xa figuraba expresada no acordo sobre mellora retributiva e profesional asinado o 1 de outubro de 2003 (DOG nº 232, do 28 de novembro). As institucións do Servizo Galego de Saúde advirten tamén da necesidade de incorporar profesionais que teñan formación adecuada ás funcións que se realizan nelas.

 
pondo ó dia a web Imprimir Correo-e
CIG Saúde O Barco
Sábado, 08 Maio 2010 12:56
barkinho_waperas_copiaHai unha semana que saltamos á nova web; aínda que pouco a pouco ímonos familiarizando con ela, partimos dunha estructura básica pensada por nós que non distara moito da antiga para que se vos fixera mais fácil acceder e navegar polos contidos, a verdade que o noso compañeiro Fran de Ferrol tivo un chollo e unha paciencia sen límites con nós, foi arranxando tódolos problemas e tódalas cuestiois que lle plantexamos con respecto ó blog.

Acabamos de engadir na pestaña superior de contratación, accesos a outras webs de CIG-Saúde onde se publican (de momento Lugo, Pontevedra-Vigo e Ferrol, nos chamamentos de O Barco, estamos á espera que nos den unha solución para recibilos, pero de entrada podedes utilizalos para preguntar ou decir en que número van os chamamentos da área ou categoría que sexa.

Dectámonos que hai algunha xente que non completa o rexistro, para completalo unha vez se solicita na web, tedes que ir ó correo que puxérades, alí veredes un correo enviado automáticamente polo servidor cun enlace que teredes que premer para confirmar o rexistro, en tanto non fagades isto non estaredes logueados.

Estamos a traballar na posta en marcha dun foro, que serva para plantexar nel os asuntos do voso interese e o punto de vista que podades ter na cuestión que sexa, non sería un espazo de preguntas dirixidas a nós, para iso xa están os apartados destinados a iso, pero valdríanos para coñecer o que pensades, así como para ter outro ángulo de visión distinto e a tod@s para compartir informaciois e experiencias.
Neste foro non participaríamos mais que no papel de moderadores.
 
Borrador concurso de traslados Imprimir Correo-e
Traslados
Venres, 07 Maio 2010 11:39

O SERGAS envíanos o borrador da resolución da convocatoria do concurso de traslados , das prazas e a súa ubicación nada de nada, e aínda por riba na reunión do luns só van traer as prazas de atención primaria. Morro a estes non lles falta.touflipao

Este de abaixo é o correo que envian acompañando ó borrador da convocatoria:

Bos días: envio novamente a Resolución de convocatoria do concurso de traslados que xa fora obxecto de vosas alegacións, por se considerades conveniente facer algunha matización na reunión que celebraremos o vindeiro luns.

Por outra banda nesa reunión entregaremos a relación de vacantes, por localidade e quenda, das categorías de atención primaria, quedando as de especializada, para unha vindeira reunión se celebrará o  venres, día 14 de maio, salvo que propoñades outra data.

 
a plataforma dá pasos cara unha mobilización Imprimir Correo-e
Actualidade
Venres, 07 Maio 2010 10:22
Onte na reunión da plataforma en defensa da sanidade pública da área de O Barco, decidiuse, unha vez coñecida a intención do SERGAS de eliminar a nosa área e centralizar as gardas de Monforte, Verín e O Barco, iniciar unha campaña que derivará nunha manifestación probablemente para o xoves 3 de xuño. Antes desta faranse asembleas os dias 18 e 19 de maio en O Barco e A Rúa, para informar á poboación das intenciois da Administración.

Asemblea de persoal

Hoxe ás 14 horas no salón de actos do HCV, celebraremos unha asemblea de persoal, para informar e ver que tipo de acciois de protesta podemos levar a cabo como traballadores e traballadoras.

a noticia en "La Región"

a noticia en "La voz de Galicia"
 
listas sumadas psx Imprimir Correo-e
OPE
Venres, 07 Maio 2010 07:47
Unha das nosas blogueiras remitiunos as listas coa suma dos 2 exames de PSX; este de abaixo é o correo onde nolas remite e fai as aclaraciois oportunas. Graciñas por compartir o teu traballo.
 
Mándovos as notas cruzadas cos dous exames de psx, fáltame o exame de galego e saber o do concurso, pero é o que teño por se queredes telo. Creo que vai ben, ainda que os nomes estean algúns co dni e falten letras, pero non atopei xeito de copiar dende a páxina do SERGAS e non teño moito tempo tampouco ...bueno, se vos serve de algo, ben, e se non pois so decirvos que coma sempre MOITAS GRAZAS!

listadopsx.xls
 
chamamentos Imprimir Correo-e
Chamamentos
Xoves, 06 Maio 2010 11:16

Como para moita xenteresulta de interese os chamamentos que se van producindo nas distintas áreas, reabrimos aquí un post de chamamentos similar o que tiñamos colgado no antigo blog.
Lembrade que seguimos intentando que o SERGAS publique os chamamentos diariamente das distinas áreas ou polo menos se nos facilite ós sindcatos para podelo facer nós.
Polo tanto este espazo é para que o vaiades actualizando vos mesmos, tedes un acceso directo no menu desplegable de arriba onde pon contratacións - chamamentos, para que vos sexa mais fácil atopalo.

 
sobre o cronograma Imprimir Correo-e
OPE
Xoves, 06 Maio 2010 06:28

Recibimos este correo do SERGAS, en relación o cronograma de resolucón da OPE.

 

Boas tardes: en relación co calendario da OPE/concurso de traslados enviado recentemente están a preguntarnos posibles datas de publicación de puntuacións provisionais da fase de concurso de categorías non facultativas.

Ao respecto comre decirvos que nestes momentos só podemos informarvos de que as tarefas de baremación comenzarán a partir da vindeira semana e que, dado que o número de aspirantes que superaron o proceso, difere moito en función da categoría de que se trate, non resulta posible dar prazos ata que os tribunais de selección avancen nos seus traballos.
 
En calquera caso se irán publicando as puntuacións en función de cando vaian rematando os diversos tribunais, o que se comunicará coa suficiente antelación. Grazas.
 
Máis novas sobre a OPE Imprimir Correo-e
OPE
Mércores, 05 Maio 2010 11:05

Vimos de recibir máis novas sobre a OPE, neste caso sobre a publicación de puntuacións dos últimos exercicios:

 

Bos días: está previsto que mañá, día 6 de maio, sexan publicadas na páxina web do organismo as puntuacións provisionais do segundo exercicio (informática) das categorías do Grupo Auxiliar da Función Administrativa e de Persoal de Servizo Xerais.

Igualmente, o vindeiro martes, día 11,está previsto que sexan publicadas as puntuacións provisionais do segundo exercicio do Grupo Técnico da Función Administrativa e do Grupo de Xestión da Función Administrativa.

 
Os decretos que adiantan a política privatizadora do PP. As nosas alegacións. Imprimir Correo-e
Actualidade
Mércores, 05 Maio 2010 10:48

acojonauEn CIG-Saúde, e despois de coñecer o contido dos borradores de decretos que presenta o SERGAS para a Xestión Integrada e para un Plan de Recursos Humanos do SERGAS, quere alertar á poboación, e a traballadores e traballadoras en concreto, sobre a intención que a Consellería de Sanidade ten coa súa aprobación, posto que definirán as grandes liñas da política sanitaria nos vindeiros 4 anos:

 

Os devanditos Decretos son:

  • Decreto polo que se crea a Estrutura Organizativa de Xestión Integrada, con este Decreto a Administración pretende crear o marco normativo que supere os límites xeográficos das actuais áreas sanitarias, modificando o actual Mapa Sanitario.
  • Decreto de Ordenación de Recursos Humanos, co cal a Administración pretende adaptar as condicións laborais das/os traballadoras/os públicos a esta nova estrutura organizativa de área.

 

 
25 aniversario de CIG Valdeorras Imprimir Correo-e
CIG Valdeorras
Mércores, 05 Maio 2010 10:00
En CIG Valdeorras estamos de noraboa. Este ano cúmprense os 25 anos desde que comezamos a nosa andaina na comarca e, desde entón, moito temos traballado por mellorar as condicións laborais das xentes valdeorresas. Unhas veces acertaríamos e outras ao mellor non tanto, pero o que sempre nos move é a mellora das condicións laborais e a transformación da sociedade nun modelo máis xusto e solidario.

Con motivo do 25 aniversario, CIG Valdeorras ven de editar unha revista-dosier titulada "25 anos de sindicalismo nacionalista en Valdeorras", onde se recolle unha escolma de publicacións en xornais e textos onde se pon de manifesto o traballo feito neste periodo de tempo. Podedes descargar a revista, premendo aqui .
 
Incorporación OPE-Traslados FEAS Imprimir Correo-e
OPE
Mércores, 05 Maio 2010 09:01
Vimos de recibir esta comunicación do SERGAS:

Informamosvos que a toma de posesión simultánea dos procesos de provisión de prazas do persoal Facultativo Especialista de Área do Servizo Galego de Saúde -relativos ao proceso selectivo correspondente á oferta de emprego público de 2008 e ao concurso de traslados de 2009- terá lugar o vindeiro mes de setembro.

A resolución definitiva de ámbolos dous procesos será dada a coñecer no próximo mes de xuño, de xeito que cada profesional coñeza, coa suficiente antelación, o centro no que pasará a prestar os seus servizos.

O obxectivo de esta medida é conseguir conxugar unha adecuada programación da actividade asistencial dos centros sanitarios co respecto ao dereito dos profesionais ao descanso vacacional que, sobre todo por razóns de conciliación da vida familiar e laboral dos profesionais do Servizo Galego de Saúde,  ten lugar habitualmente nos meses de xullo e agosto.

 
A Xunta de Persoal comeza a campaña informativa Imprimir Correo-e
Actualidade
Martes, 04 Maio 2010 23:00
fotoA Xunta de Persoal da Área do Barco comezamos hoxe a campaña informativa para explicar á poboación o "proxecto piloto" que pretenden instaurar coa centralización de gardas de radioloxía, así como outras carencias que neste momento tén a Área Sanitaria (vacante de traumatoloxía, baixa de radioloxía sen cubrir, falla dun anestesista...), indicios que fan pensar en que o PP teima coa súa intención de suprimir a Área do Barco. Tamén as declaracións da Xerenta do SERGAS no Parlamento Galego a preguntas da oposición pasada semana fan pensar nesa intención.

A Xunta de Persoal convocou onte unha rolda de prensa para clarificar este asunto e poñer en coñecemento da opinión pública que a ameaza da supresión da área segue en marcha. Podedes ver as novas publicadas en La Voz e La Región.

Ademais, a Xunta de Persoal instou á Plataforma en Defensa da Sanidade Pública a unha nova reunión, que terá lugar este xoves, día 6, a partir das 20 hs no Salón de Actos da Casa Grande de Viloira, reunión á que convidamos a toda a poboación a acudir.

Transcribimos aqui abaixo o contido da folla explicativa que se repartiu esta mañá nos Centros de Saúde de A Rúa, O Barco e Vilamartin e no Hospital. Mañá haberá reparto en Rubiá, Sobradelo, Petín, Larouco, O Bolo, A Veiga, Viana, Vilariño de Conso, Manzaneda e Trives.

 
Comisión de Seguimento Carreira Profesional Imprimir Correo-e
Carreira Profesional
Mércores, 05 Maio 2010 09:03
Na xpapelpuntanza da comisión de seguimento da Carreira Profesional de Xestión e Servizos e Sanitarios de Formación Profesional o Sergas informou de que houbo 5121 Resolucións favorables e 496 desfavorables, e dicir, case o 10% do total das presentadas, delas, 162 con avaliación desfavorable e 55 que non teñen o ámbito de aplicación(funcionarios). As restantes por non teren o tempo necesario.

Unha das cuestións de tantas avaliacións desfavorabeis foi o criterio utilizado para a baremación dos cursos de formación anteriores ao ano 2002. O Sergas, neste asunto, inventou un criterio que non ten nada que ver co negociado e publicado no DOG no seu momento. Decide o SERGAS que o acordado non vale para Auxiliares Administrativos, Celadores e Auxiliares de Enfermaría, argumentando que estas categorías tiveron suficiente oferta formativa e polo tanto non hai que acudir a unha formación anterior ao ano 2002. A esta medida opúxose toda a comisión de seguimento, pero o SERGAS, non cambiou o criterio.


A única posible solución para as persoas afectadas por isto(según o Sergas 46 persoas) é a presentación en vía de Recurso da documentación que acredite o seu compromiso coa organización, ou sexa un papel asinado pola xerencia correspondiente no que poña que dita persoa participou nalgún protocolo que supón un compromiso coa organización.

 

Como CIG-Saúde denunciamos este criterio do Sergas e informámoslles ás persoas para que presenten os recursos, en base ao acordado no DOG, e ao mesmo tempo, se conseguen o Compromiso coa Organización, o presenten tamén.

 

Unha vez máis, o Sergas cébase coas persoas que teñen o salario máis baixo no sistema, a parte que vulnera a norma cunha interpretación totalmente subxetiva.

 

 
Sanidade defende como un avance as gardas únicas entre hospitais Imprimir Correo-e
Actualidade
Martes, 04 Maio 2010 15:21

para reflexionar esta noticia de la voz de galicia.

Sanidade defende como un avance as gardas únicas entre hospitais

A consellería quere probar como funciona o novo sistema nos centros de Monforte, O Barco e Verín.

A Consellería de Sanidade admitiu onte que se propón organizar un sistema de gardas de radioloxía unificadas para os hospitais de Monforte. O Barco e Verín. Este fin de semana denunciárono o PSOE e a Plataforma en Defensa dá Sanidade Pública de Monforte, que o consideran un paso máis cara á deterioración da asistencia sanitaria pública. En cambio, os responsables da consellería defenden este método como un avance que garante aos pacientes diagnósticos máis rápidos e á administración un aforro de diñeiro en pagos por quendas de garda.

 
reunión traslados Imprimir Correo-e
Traslados
Martes, 04 Maio 2010 06:34

Este de abaixo é o correo que nos chega do SERGAS en relación ós traslados.

Boas tardes: pola presente, convócase ao representante desa organización sindical á reunión, que terá lugar o vindeiro luns, día 10 de maio, ás 10:00 horas, na sala 02-03 da Dirección de Recursos Humanos do Servizo Galego de Saúde, co obxecto de negociar o concurso de traslados de licenciados sanitarios de atención primaria así como do resto de categorías, coa excepción do persoal licenciado sanitarios de atención especializada.

Con carácter previo á reunión serán remitidas as bases definitivas do concurso e, no seu caso, o listaxe de vacantes. Grazas.
 
publicación chamamentos Imprimir Correo-e
Novas de Contratacións
Luns, 03 Maio 2010 12:58

Como poderiades ver, hai un par de semanas subimos os chamamentos da área de O Barco, pensábamos podelo facer 1 ou 2 veces por semana, pero incomprensiblemente dende a Dirección Provincial se nos dixo que non podería facerse así, polo que hoxe conseguimos por fin poñernos en contacto cos responsables da mesa de contratación da dirección provincial de Ourense. parece desprenderse polas palabras do Secretario Provincial do SERGAS que hai vontade de que se nos envien os chamamentos, o problema é que non hai aplicativo para facelo, ou polo menos eles non o teñen, insistimos en que en Lugo e Pontevedra xa se está enviando. Como deciamos as palabras foron boas, pero veremos en que queda a cousa.

Ó final remitimos un escrito ó secretario provincial do SERGAS, que podedes descargar premendo peticin envio chamamentos.pdf

 
Benvid@s á nova páxina web de CIG-Saúde O Barco Imprimir Correo-e
Actualidade
Venres, 30 Abril 2010 23:00
Estades diante da nova páxina web de CIG-Saúde O Barco, onde tentaremos continuar co traballo que iniciamos hai xa tres anos na blogoteca.
benvidos copia
Cando comezamos o blog anterior pensamos que sería unha ferramenta útil para aquelas persoas que a visitaran, posto que publicabamos información en canto chegaba, respostábamos dúbidas, etc... mais tamén o sería para nós, posto que nos permitía, ademais de manternos actualizados nas informacións, aprender moito sobre materias que non utilizabamos no día a día, e, sobre todo, coñecer de primeira man as inquietudes do persoal do SERGAS, tanto fixo como temporal.

Despois destes tres anos, o balance non pode ser máis positivo. Hoxe por hoxe, internet é unha ferramenta potentísima de comunicación, e por iso apostamos por ela dun xeito tan rotundo. Non nos fallou. Nestes tres anos aprendimos moito, recollimos inquedanzas e suxestións, escoitamos desde gabanzas ata críticas (mesmo tamén algunha saída de ton), propuxemos, informamos e, pensamos que todo foi para mellorar.
Por iso damos hoxe este salto. Pasamos á nosa propia web no servidor de CIG-Saúde e desde ela tentaremos seguir mellorando a nosa actividade e chegando a vós para ofrecervos a información que precisedes e para recoller aquelas suxestións ou ideas que nos queirades facer chegar.

Nesta nova web seguiremos a respostar as vosas dúbidas, e tamén seguiremos a ler os vosos comentarios. Mais será doutro xeito. A partir de agora, aquelas persoas que queiran participar na web deberán suscribirse antes a través do acceso a usuarios que atoparedes arriba á dereita. Pensamos que deste xeito evitaremos eses "trolls" e comentarios indiscriminados que non só nos incordian a nós facéndonos máis díficil o noso traballo, senón que moitas veces tamén prexudican a aquelas persoas que entran neste espazo coa sá intención de informarse e expoñer a súa opinión, sexa de gabanza ou de crítica, que aqui non censuramos, máis tampouco admitimos comentarios nos que se expoñan nomes e apelidos ou calquera outro tipo de datos de terceiras persoas, ou nos que se chegue ao insulto.

Para aqu elas persoas que queirades consultar algo na web vella, habilitamos un enlace directo pinchando no barquiño (coma este de abaixo) que tendes no menú á vosa esquerda. Tede en conta que agora, nesta web, as iconas que aparecen nos menús enlazan directamente coas seccións desta web, que inda que polo de agora están ba ldeiras, irémolas enchendo a medida que vaiamos traballando na nova web, polo que se queredes consultar algo do que había anteriormente nas categorías da web vella, teredes que recurrir a ela e alí buscar o que precisedes.


Como comprobaredes hai algunha novidade máis, sobre todo no tema visual. Xa vos iredes adaptando, coma nós, que tamén inda temos q ue afacernos ao novo formato (agradecemos a Fran que nos botara unha man con isto). Mais o que si non vai cambiar é a intención de informar e de recoller os vosos pareceres.

Asique, unha vez dito isto... recomezamos!
 
cronograma OPE-traslados SERGAS Imprimir Correo-e
OPE
Venres, 30 Abril 2010 19:18
Por fín nos chega o tan esperado cronograma, aquí o tedes:

CALENDARIO OPE SERGAS 2008/2009


1.- LICENCIADOS SANITARIOS:

Primeira quincena de maio

- Publicación notas definitivas fase de concurso da OPE de FEAS.

- Publicación resolución provisional concurso de traslados de FEAS

Segunda quincena de maio


-Convocatoria concurso de traslados de atención primaria.

Segunda quincena de xuño

- Publicación resolución definitiva concurso de traslados de FEAS
- Publicación notas definitivas da fase de concurso de Médicos de Familia.

- Elección de destino de FEAS.

Pendente decidir data de toma de posesión de ámbolos dous procesos, que será comunicada a vindeira semana.

2.- RESTO DE CATEGORÍAS:

Primeira quincena de maio

-Publicación notas provisionais exercicios de carácter práctico (informática) de grupo auxiliar da función administrativa e persoal de servizos xerais.

- Publicación notas provisionais do segundo exercicio do grupo técnico e grupo de xestión da función administrativa.

Segunda quincena de maio

- Convocatoria concurso de traslados.
-Publicación notas definitivas exercicios de carácter práctico (informática) de grupo auxiliar da función administrativa e persoal de servizos xerais.
- Publicación notas definitivas do segundo exercicio do grupo técnico e grupo de xestión da función administrativa.

Primeira quincena de xuño


- Realización dos exercicios de coñecemento de galego de grupo auxiliar da función administrativa e persoal de servizos xerais, así como de coñecemento de galego e exercicio común da categoría de cociñeiros.

- Publicación puntuacións provisionais dos exercicios de coñecemento de galego de grupo auxiliar da función administrativa e persoal de servizos xerais, así como de coñecemento de galego e exercicio común da categoría de cociñeiros.

Segunda quincena de xuño

- Realización do terceiro exercicio e do exercicio de coñecemento da lingua galega do grupo técnico e grupo de xestión da función administrativa.

- Publicación puntuacións definitivas dos exercicios de coñecemento de galego de grupo auxiliar da función administrativa e persoal de servizos xerais, así como de coñecemento de galego e exercicio común da categoría de cociñeiros e apertura prazo de presentación de documentación da fase de concurso.

- Publicación notas provisionais do terceiro exercicio e do exercicio de coñecemento da lingua galega do grupo técnico e grupo de xestión da función administrativa.

Primeira quincena de xullo

- Publicación notas definitivas do terceiro exercicios e do exercicio de coñecemento da lingua galega do grupo técnico e grupo de xestión da función administrativa e apertura prazo de presentación de documentación da fase de concurso.

 
Asemblea Novo Pacto de Contratacións Imprimir Correo-e
Novas de Contratacións
Xoves, 29 Abril 2010 11:21
ASEMBLEA NOVO PACTO DE CONTRATACIÓNS

Día: martes, 4 de maio.
Hora: 14 hs.
Lugar: Salón de Actos HCV

tou_preguntandop


 
empezan as embestidas do PP contra os hospitais de O Barco, Monforte e Verín Imprimir Correo-e
Actualidade
Venres, 30 Abril 2010 11:42
O outro día avísaronnos @s nos@s compañeir@s de Monforte que a Xerencia do hospital de Monforte quería unificar as gardas dos servizos de radioloxia dos hospitais de Monforte, O Barco e Verín.

Tamén foron avisados o resto de sindicatos polo que se convou unha reunión urxente da comisión de centro para o luns 3 de maio.

Pero vamos informar da proposta que lle fixeron ó persoal de radioloxía por parte das Xerencias dos 3 centros.

En primeiro lugar tanteouse ó persoal de unificar as gardas dos 3 hospitais nun deles e deste xeito reconvertir as gardas que eran localizadas en presenza física, que irían rotando entre os radiólogos dos 3 hospitais.

As probas de TAC realizaríanas os técnicos e serían enviadas via telemática ó centro onde estivera o radiólogo de garda.

A urxencia da ecografia terían que ser valoradas pol@ facultativ@ que a solicita se pode esperar ou non ó dia seguinte, de ser extremadamente urxente, derivaríase ó centro de referencia, (en O Barco e Verín a Ourense e no caso de Monforte ó de Lugo).
Contemplan como opción, que as ecografias urxentes as realice o persoal facultativo de urxencias, ou incluso que fosen os TEL "posto que nalgúns hospitais son eles quenes realizan estas probas".

NON ESTAMOS BROMEANDO, todo isto díxoselle @s radiólog@s.
 
<< Inicio < Anterior 71 72 Seguinte > Final >>

20100407_hospitalvigo_04
573-81933-a-carrabxo
573-82097-a-pedra
573-82150-a-berro
573-82153-a-dixo
573-82384-a-manifa
573-82578-a-SERVIZOS20PUBLICOS-1
573-82696-a-qg
573-82703-a-DESPIDO20BARATO
573-82728-a-pontevedra
573-82843-a-queremos
573-83156-a-dspi2
573-83252-a-pon
573-83361-a-qgconcerto
573-83720-a-santiago
I1133
www.cig-saude.info | O Barco | Ferrol | A Coruna | Vigo | Pontevedra | Ourense | Lugo | Santiago | Monforte | Burela | Cee | 061 | AgMedica

Confederación Intersindical Galega - Federación de Saúde
Miguel F. Caaveiro, 10 - Santiago de Compostela
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info