Noticias Outras novas
 
 

Miles de persoas protestan contra o recorte nas condicións salariais e laborais e o deterioro dos servizos públicos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
A área pública da CIG rexeita o proxecto de Orzamentos da Xunta porque afondará na perda de emprego e o desmantelamento dos servizos básicos
.
A pesar da intensa choiva e do forte vento, miles de persoas participaron na tarde deste xoves nas manifestacións convocadas polas organizacións sindicais que integran a Plataforma en Defensa dos Servizos Públicos nas sete cidades galegas. A protesta dá continuidade ás mobilizacións que o persoal vén realizando no último ano contra os recortes salariais e laborais impostos polos distintos gobernos do PP e pola defensa duns servizos públicos de cualidade.

A Plataforma en Defensa dos Servizos Públicos, integrada por CIG, CCOO, UGT, CSI•F, CESM, OMEGA, SATSE, USAE, STEG, ANPE, USO, USTG, CGT, STAJ, SIAT e ACAIP, acordou convocar estas mobilizacións contra as medidas que vén de aprobar a Xunta de Galiza que empeoran as condicións laborais e salariais das empregadas/os públicos/as e deterioran, aínda máis, os servizos públicos.

A Secretaria da CIG-Administración Pública, Maricarme López, sinalaba que o máis grave do contido dos Orzamentos da Xunta para 2013 (que reforzan e sobrepasan as restricións previstas os Orzamentos do estado) radica en que van provocar a desaparición non só de servizos públicos, senón tamén de unidades enteiras de traballo por mor das taxas de reposición 0,  a non cobertura de vacantes e a amortización explícita que determina o artigo 24 do anteproxecto de Lei de orzamentos. 

Deste artigo despréndese a perda de case 1.200 prazas directas da administración xeral galega, sen contar as futuras vacantes que se vaian producindo. Afondando así no deterioro da calidade dos servizos prestados. Por iso, a responsábel da CIG-Administración reiterou que “é responsabilidade de toda a sociedade en xeral recoñecer e pór en valor a función e importancia que teñen os servizos públicos e dar resposta aos ataques inxustificados e agresivos que estamos a sufrir todos e todas os que traballamos nos mesmos”.

Desmantelamento da sanidade e o ensino público

Pola súa banda, a Secretaría da CIG-Saúde, María Xosé Abuín, valorou a necesidade de mobilizarse para frear as agresións que veñen padecendo as traballadoras e traballadores do sector público, nomeadamente da sanidade, e fixo especial fincapé no desmantelamento da Sanidade Pública. “O PP entende que no canto de ser un servizo público, é un ben co que poden lucrarse e facer negocio favorecendo a empresarios amigos”, afirmou.

Alertou ademais que, de seguir coa destrución de emprego no sector sanitario, de inmediato será inviábel prestar unha asistencia de calidade  rachando a equidade no acceso xa que só poderán recibir asistencia aquelas persoas ás que así llo permita a súa economía.

O Secretario da Federación de Ensino da CIG, Anxo Louzao, advertía que “estamos aquí para facerlle fronte á liquidación dos servizos públicos que supoñen os orzamentos para o 2013. O PP utiliza a crise para recortarlle dereitos aos traballadores e traballadoras, desmantelar servizos que deben ser universais, como o ensino público, e  roubarnos parte do noso salario”. Neste senso lembrou que, ademais da supresión da extra de nadal, o Goberno de Feijoo, novamente na vangarda dos recortes, xa aprobou un redución do salario dos/as empregados/as públicos/as para o 2013, que pode chegar ao 6%.

Por outra banda,matiza Louzao, “a tesoira que a Xunta lle meteu aos orzamentos en Educación, un 6,63%, evidencia que o PP goberna en funcións dos intereses da patronal do ensino privado concertado e non das necesidades do ensino público e das clases sociais máis desfavorecidas”.

As manifestacións estiveron precedidas polas accións de protesta que os empregados/as das administracións desenvolveron esta mesma mañá diante dos distintos centros de traballo de todo o País, como xa vén sendo habitual dende hai meses.

Manifesto conxunto ao remate das manifestacións

As Organizacións Sindicais con representación no Sector Público autonómico rexeitan as medidas do Goberno

Dende o inicio da crise económica, no ano 2009, os Servizos Públicos e empregados/as Públicos, vivimos un permanente acoso que pretende a fin do Estado de Benestar que construímos con permanentes loitas e conquistas que fomos conseguindo ao longo de moitos anos.Esta agresión que os empregados/as públicos sufrimos pódese resumir nun case estado de excepción, no que se nos nega a negociación das relacións laborais sendo sometidos a un agresivo frenesí normativo que dita por decreto as nosas condicións de traballo, reducindo progresivamente os dereitos adquiridos ao longo de décadas. A salientar:

1º. Rebaixa salarial anual nunha media do 5%, en determinadas categorías de ata o 9%, no 2010 (RD Lei 8/2010), cun IPC do 2,9%. Ao tempo utilizábase como coartada que a porcentaxe de empregados/as públicos, dun 9,5%, era elevada obviando que a media da UE era do 16%, cun altísimo crecemento do emprego público dun 1% na última década, para unha poboación que medraba en 6 millóns de persoas. Tamén se esquecen que somos o país da UE que en termos porcentuais menos investimento efectúa no emprego público tal e como reflicte o elevado número de traballadores e traballadoras que son mileuristas.

2º. Conxelación salarial no 2011, que levou aparellada a conxelación de Ofertas de Emprego Público (Lei 39/2010, de Orzamentos Xerais do Estado), cun IPC do 2,4%.

3º. Supresión de dereitos e acordos sobre Xornada laboral (RDL 20/2011), e outros dereitos conseguidos.

. Ampliación da xornada mínima nas administracións, (Lei 2/2012, de Orzamentos Xerais do Estado), nova conxelación salarial, mantendo pagas extraordinarias reducidas e abundando na imposibilidade de incrementar as taxas normais de reposición de efectivos.

5º. Reforma Laboral, RD Lei 3/2012, que introduce o despedimento colectivo e individual do persoal laboral do sector público, por causas económicas, técnicas e organizativas. Expedientes que soamente poden ser de extinción de posto de traballo, non de redución de xornada ou suspensión temporal de contrato.

6º. Supresión de días adicionais de vacacións. Reducen os días de asuntos propios (APs) que pasan a ser unicamente 3 ao ano. Supresión da paga extraordinaria do Nadal (o que significa un 7% de redución salarial anual). Supresión dos acordos e pactos de dereitos sindicais. Anúlase a posibilidade de xubilación parcial dos funcionarios, así como as melloras económicas en IT, RD Lei 20/2012, e Lei 1/2012 Galiza.

Como novo ataque aos empregados/as públicos elabórase un anteproxecto de Lei que reduce o salario nunha media dun 4% para o ano 2013, en determinadas categorias de ata o 6%,  minorando as pagas extraordinarias arredor dun 40%.

Por iso, dicimos basta, xa abonda, e rexeitamos esta nova medida en contra dos empregados/as públicos de Galiza, que sumará unha perda en tres anos de máis do 20% de salario.

Xaneiro de 2013. POLA DEFENSA DOS SERVIZOS PÚBLICOS

Galería de imaxes

O artigo en Avantar.

Os programas de prevención de drogodependencias e outras condutas aditivas poderían desaparecer por falta de orzamentos

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
CIG-Saúde apoia á Asociación e demanda o financiamento necesario para garantir a súa continuidade
.
A Asociación Galega de Profesionais de Drogodependencias e outras Condutas Aditivas denuncia o inminente risco de desaparición dos Programas de Prevención de Drogodependencias en Galiza por mor do recorte do financiamento. A CIG-Saúde apoia ás súas reclamacións, exixe que se destinen as partidas orzamentarias necesarias para garantir a continuidade destes programas e demanda que se recupere o proxecto do goberno bipartito de integrar a este profesionais no sistema do SERGAS para que a asistencia sexa prestada polo sistema público.

No que se refire a Asistencia a Drogodependencias, tanto Unidades Asistenciais de Drogodependencias dependentes dos Concellos (13 en toda Galicia), como a Centros dependentes de Asociacións e ONGs prodúcese este ano un novo recorte do financiamento que vai entre o 10% sobre o percibido no 2012 para as Asociacións e ONGs, até a previsión dun 15% na consignación da partida para a sinatura de convenio coa FEGAMP para as Unidades dos Concellos.

Este recorte, segundo denuncia a Asociación de Profesionais de Drogodependencias e outras Condutas Aditivas, súmase aos xa realizados en exercicios anteriores, superando o millón de euros o que, tendo en conta a situación das arcas dos Concellos e a falta doutros recursos das asociacións, pon a moitos centros asistenciais ao borde da quebra e desaparición.

Tamén se produce un recorte nos recursos de atención específica ao alcoholismo, que afecta tanto aos que traballan en reinserción laboral como en atención xurídica, reducíndose as asignacións nun 10% para cada un deles. Cantidade á que hai que sumar, no caso da atención xurídica e reinserción, o 10% que xa sufriran o ano pasado.

Supresión dos equipos de prevención

Tanto para a Asociación como para a CIG-Saúde é de especial gravidade a decisión da consellaría de Sanidade de suprimir todo o investimento nos Equipos de Prevención dependentes dos concellos e mancomunidades de Galiza: 43 equipos con 61 profesionais –agora 13 desempregos/as- que interveñen sobre 118 concellos-mancomunidades e sobre o 75% da poboación galega.

De feito, a FEGAMP xa enviou a finais de decembro unha comunicación aos concellos informando de que o SERGAS non asinaría finalmente o convenio para o financiamento dos programas de prevención do 2012 e que non prevía a súa sinatura para 2013. 

A Asociación lembra que estes convenios de cofinanciamento víñanse asinando desde hai 15 anos –a través de subvencións desde hai 20- sempre co argumento de que todo o investimento en prevención era prioritario para evitar custos sociais e sanitarios no futuro.

Malia iso, nos orzamentos do SERGAS para 2013 figuran, na partida de convenios coa FGAMT, 2.091.461 € menos que nos orzamentos de 2012, froito de anular a cantidade destinada aos convenios de prevención, xunto co recorte do 15% nos de asistencia asinados no pasado ano.

Mantense, porén, unha partida xeral de 750.000 € para distribuír entre asociacións e ONG’s que fan prevención ou interveñen en materia de VIH/SIDA. A súa contía é igual á consignada en 2012, ano no que xa sufriu un recorte do 15% respecto do ano anterior.

Cobertura

Segundo o actual e vixente Plan de Trastornos Aditivos de Galiza 2011-2016, desenvólvense na nosa comunidade un total de 337 programas de prevención promovidos por concellos e 13 ONG’s. Atendendo aos últimos datos dispoñíbeis, os Equipos de Prevención dependentes dos concellos realizaban programas dos que son beneficiarios semestralmente unha poboación total de 323.259 galegos e galegas (128.917 escolares; 34.680 adolescentes e mozas/os; 31.316 profesores/as; 765 mediadores sociais; 1.203 mozos/as en autoescolas; 40 empresarios/as e/ou traballadores/as e 122.500 persoas da nosa poboación en xeral).

A Asociación de Profesionais insiste en que os programas desenvoltos requiren  de profesionais con grande especificidade técnica, “persoas que levamos traballando e formándonos moitos anos para proporcionar un labor de calidade que protexe e contribúe á mellora da saúde da poboación galega e permite a redución da prevalencia do consumo de drogas e a redución da incidencia nos máis novos, o noso futuro”.

Por iso solicitan que a administración garanta a estabilidade e continuidade dos programas e que se defina, dunha vez por todas, cara onde queren que camiñen as drogodependencias no futuro.

Noticia extraída de Avantar.

Documentos
Comparativa orzamentos Drogas 2011- 2013.pdf

Concentración mañá xoves día 27 contra o recorte salarial

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

MENTIRN

Mañá xoves día 27 terá lugar en San Caetano a reunión do Consello da Xunta onde se vai aprobar a redución salarial para o persoal público no ano 2013. Trátase, polo que se anunciou, dunha redución dun 40% das dúas pagas extra (xuño e decembro), que, no caso do persoal do SERGAS, inda non sabemos en qué complementos vai repercutir. Cómpre lembrar que os nosos complementos específicos (complemento que se elimina a todo o persoal da Administración Pública no recorte programado polo PP) son de contía moi inferior aos do resto de persoal da Administración, polo que para completar o 40% de redución, o SERGAS vainos retirar algún outro complemento, sen que, polo momento, se nos anunciara onde pensan atacar.

Desde CIG-Saúde facemos un chamamento a todo o persoal que poida a que se mobilice mañá día 27 ás 11 hs, coincidindo coa celebración do Consello da Xunta, diante de Presidencia, en San Caetano.

Estamos fart@s das mentiras e dos recortes de Feijóo e o PP!!!

O goberno gábase na Lei de Orzamentos da destrución de emprego público

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

No Libro Amarelo dos Orzamentos do Estado, libro de presentación do anteproxecto de Lei de Orzamentos do Estado, o goberno recolle, textualmente, o seguinte:

Con cierto retraso respecto del ajuste del empleo en el sector privado, que se inició en los primeros compases de la crisis económica, el empleo en el sector público comenzado su ajuste recientemente. En el segundo trimestre de 2012 el empleo público disminuyó en 63 mil personas y a lo largo de los últimos cuatro trimestres acumula una caída de 176,4 mil trabajadores, el 5,5 por ciento, lo que sitúa el número de empleados públicos al borde de los tres millones. En cuanto a la estabilidad en el empleo, la tasa de temporalidad de los trabajadores públicos ha disminuido en 1,3 puntos en el segundo trimestre del año, hasta el 20,9 por ciento, lo que implica que la reducción del empleo en este sector ha afectado en mayor medida a los trabajadores temporales.

É dicir, na Lei de Orzamentos, o propio goberno do Estado gábase de ter reducido durante o 2012 en máis de 176.000 persoas o emprego público. E non só iso, senón que tamén se vanaglorian de que a redución do emprego se cebara n@s traballador@s temporais. Como para estar orgullos@s!

Desde CIG-Saúde non pensamos, desde logo, que haxa que enorgullecerse de ter incrementado máis o desemprego con persoal do sector público. Para empezar, porque esa diminución de emprego público implica unha perda de calidade nos servizos públicos que todas e todos precisamos. Mais tamén porque, unha vez máis, o que se fai é cebarse co persoal, nomeadamente co persoal temporal, que ademais de sufrir a inestabilidade e precariedade laboral, agora ve reducidas as súas xa de por si escasas posibilidades de traballar, condenándoo ao desemprego e a exclusión social.

CIG-Saúde denunciou no seu momento a perversidade da taxa de reposición. Daqueles pós, veñen agora estas lamas. A taxa de reposición do 10% impediu que se repuxeran efectivos e condeou á case desaparición da contratación no sector público, e agora este texto que se recolle no anteproxecto de Lei de Orzamentos do Estado para o 2013 confírmao, con prepotencia e fachenda, inda por riba. O goberno do PP presume de eliminar postos de traballo e felicítase por aumentar o desemprego. Moi ben, o que todo goberno que se prece debe facer, non? Sobre todo cando, como vimos denunciando, a perda de postos de traballo está profundamente ligada coa perda de calidade asistencial (diminúe a actividade e a que se fai, faise con menos efectivos, é dicir, peor calidade).

Non debemos perder de vista que está é a folla de ruta do PP, a súa política sanitaria pasa por precarizar e diminuir postos de traballo, e con iso, empeorar a calidade da asistencia, rematando por privatizar os servizos. Non podemos consentilo. A tod@s nos afecta esta política sanitaria. Usuari@s, persoal fixo e persoal temporal. Tod@s debemos loitar conxuntamente para botala abaixo.

 

SEXAS USUARI@, PERSOAL FIXO, OU PERSOAL TEMPORAL, MOBILÍZATE!!!

A TOD@S NOS AFECTA!!!

20 de decembro: mobilízate coa Alianza Social Galega

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Captura

 

Lugares e horas das  mobilizacións:

  • - A Coruña: ás 19:30 h na Delegación do Goberno
  • - Ferrol: ás 19:30 h no edificio da Xunta
  • - Santiago de Compostela: ás 19:30 na praza de Galicia
  • - Lugo: ás 20 h na Subdelegación do Goberno
  • - Vilalba: ás 20:30 h. diante da Casa da Cultura.
  • - Monforte de lemos: ás 19:30 h na praza de España
  • - Burela: ás 20 h na praza da Mariña
  • - Ourense: ás 19:30 h na Subdelegación do Goberno
  • - O Barco de Valdeorras: ás 20 h na praza do Concello
  • - Pontevedra: ás 19:30 h na Subdelegación do Goberno
  • - Vilagarcía de Arousa: ás 20 h na praza de Galicia
  • - Vigo: ás 20 h diante do MARCO (rúa do Príncipe)

Hai razóns de sobra: 14N Folga Xeral!

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

222530_462470653805706_1310887267_n

Publicados os abusivos servizos mínimos impostos pola Administración para a folga do 14 de novembro.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícanse hoxe no DOG os servizos mínimos impostos pola Administración para os servizos sanitarios. Uns mínimos que CIG-SAÚDE non aceptou por abusivos, por pretender usurpar o dereito á folga d@s traballador@s da sanidade formulando uns servizos mínimos que nalgúns casos superan o persoal que traballa habitualmente nun día laborable.

Nalgúns centros toman tan "en serio" o tema dos servizos mínimos que establecen, como no caso do Sanatorio El Carmen de Ourense, uns mínimos que son iguais para calquera quenda, formulando por exemplo uns mínimos de 44 persoas en persoal sanitario non facultativo (para a quenda nocturna tamén?), o que quere dicir máis de 3 veces maior que nunha quenda nocturna de día laborable habitual.

En Povisa, como en ocasións anteriores, seguen sen saber plasmar nun papel cantas persoas traballan "habitualmente" ou "en domingos" ou "en sábados" e seguen usando este tipo de nomenclatura en lugar de concretar o número de efectivos de servizos mínimos. Un xeito moi cómodo de poñer os mínimos que lles pareza, conculcando o dereito á folga do persoal que alí traballa.

CIG-SAÚDE, unha vez máis, non aceptou os servizos mínimos impostos pola Administración, e así o fixo constar na acta da sesión.

CIG-SAÚDE solicita que os mínimos sexan igual as presenzas que hai nos centros un domingo ou festivo, xa que con isto está garantida a atención permanente e continuada durante as 24hs.

CIG-SAÚDE rexeita os mínimos impostos pola Administración por ser abusivos. Estes servizos mínimos decrétanse coa intención de minimizar a paticipación d@s traballador@s na folga.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto