Noticias Persoal Formación
 
 

Publicada a convocatoria das probas para MIR, EIR, FIR, PIR, BIR...

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publicada en BOE a orde que convoca as probas selectivas para especialidades sanitarias para o acceso no 2016.

  • Especialidades sanitarias. Orde SSI/1892/2015, de 10 de setembro, pola que se aproba a oferta de prazas e a convocatoria de probas selectivas 2015 para o acceso no ano 2016, a prazas de formación sanitaria especializada para Médicas/os, Farmacéuticas/os, Enfermeiras/os e outras/os graduadas/os – licenciadas/os universitarias/os do ámbito da Psicoloxía, a Química, a Bioloxía e a Física. PDF (BOE-A-2015-10053 - 288 páxs. - 4.446 KB)

Cursos de Formación: IMPORTANTE ADVERTENCIA A 22 DE MAIO DE 2015

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Cursos de Formación ofertados por CIG-Saúde

- IMPORTANTE. ADVERTENCIA A 22 DE MAIO DE 2015-

Como indicamos na información recollida abaixo, estes cursos son subvencionados dentro do acordo de formación das Administracións Públicas. A día de hoxe, a Administración do PP está a poñer impedimentos para que estes cursos poidan celebrarse, polo que non podemos garantir que as ofertas formativas que se recollen neste listado sexan finalmente realizadas.

En canto teñamos confirmación de se van ser realizadas ou non, avisarémolo.


 

Cursos ofertados pola CIG-Saúde a través de ForGA. Estes cursos son subvencionados dentro do acordo de formación das Administracións Públicas, polo que non teñen custe para as persoas que os fagan. Podedes solicitar máis información ou matricularvos nalgún deles, premendo nesta LIGAZÓN, ou na imaxe:

notebook

 

  • A MOTIVACIÓN NA ACTIVIDADE LABORAL APLICADA NA ATENCIÓN AO/A DOENTE: Online
  • VIOLENCIA DE XÉNERO. DETECCIÓN E ACTUACIÓN DENDE UN SERVIZO SANITARIO: Online
  • ATENCIÓN NOS PROCESOS DE DÓ: Online
  • CONFIDENCIALIDADE E PROTECCIÓN DE DATOS NAS INSTITUCIÓNS SANITARIAS: Online
  • CALIDADE: ORIENTACIÓN PRÁCTICA Á CALIDADE NO ENTORNO SANITARIO: Online
  • HABILIDADES SOCIAIS E DE COMUNICACIÓN NOS SERVIZOS SANITARIOS: Online
  • RELACIÓNS HUMANAS E CLIMA LABORAL: Online
  • CONTENCIÓN TERAPÉUTICA DAS/OS DOENTES: O Barco
  • ACTUACIÓN DA/O PROFESIONAL ANTE CASOS DE VIOLENCIA DE XÉNERO: Ourense, Vigo, Ferrol, Pontevedra, Burela
  • INFORMÁTICA DE USUARIA/O: A Coruña
  • INTERVENCIÓN ANTE EMERXENCIAS: Santiago
  • INTRODUCIÓN Á MICROBIOLOXÍA NA HIXIENE DOS ALIMENTOS NAS COCIÑAS DOS COMPLEXOS HOSPITALARIOS: A Coruña, Pontevedra, Ourense, Ferrol
  • LEXISLACIÓN LABORAL SANITARIA: Lugo
  • LOPD.CURSO BÁSICO: Ferrol
  • PREVENCIÓN DAS UPP: Santiago
  • PREVENCIÓN E TRATAMENTO DAS UPP: Santiago
  • PRIMEIROS AUXILIOS PARA PERSOAL NON SANITARIO: Ourense
  • COMUNICACIÓN E TRABALLO NUNHA EQUIPA MULTIDISCIPLINAR: Monforte, Pontevedra
  • TALLER DE COMUNICACIÓN DE MALAS NOTICIAS: Burela, Barbanza
  • TRABALLO EN EQUIPA NUN BOX DE CRÍTICOS DUN HOSPITAL COMARCAL: O Barco
  • TRABALLO EN EQUIPA NUN BOX DE CRÍTICOS NO SERVIZO DE URXENCIAS: Santiago
  • BIOÉTICA ASISTENCIAL: Lugo

 

Máis información: FORGA ou nos nosos locais sindicais.

 

Aberto prazo de preinscrición. Curso online "Relacións humanas e clima laboral".

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

file000986420234Dentro da oferta formativa que ofrece a CIG-Saúde, ábrese o prazo de preinscrición para o curso online RELACIÓNS HUMANAS E CLIMA LABORAL, con 20h lectivas, e vai ser realizado do 1 de de xuño ao 6 de xullo. Este curso foi acreditado por SAGA nas edicións 2014 con 4,6 créditos para 20h de duración.

Este curso é subvencionado dentro do acordo de formación das Administracións Públicas, polo que non ten custe para as persoas que o fagan. Está dirixido a todas as categorías e hai 50 prazas a cubrir. O INAP impón como requisito estar en activo (cunha vinculación) no momento da realización do curso.

Para solicitar praza no curso, é preciso pasar por un local da CIG-Saúde (en todos os hospitais) e cubrir a ficha de preinscrición.

Exames EIR, MIR, FIR, PIR... unha chapuza máis dos gobernos PP

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

examen-mirA última chapuza propiciada polo goberno do PP ven sendo a nefasta corrección dos exames para acceder a prazas de residencia en formación levados a cabo o pasado día 31 de xaneiro. Miles de reclamacións se teñen presentado xa a esa corrección, ao veren numerosas persoas afectadas como o corrector automático cambiaba as súas respostas correctas por outras que non o son. Chapuza total. Desde o Ministerio anunciaron que revisarían as reclamacións, e ante a presión das persoas afectadas, indican que van revisar os máis de 20.000 exames realizados en todas as especialidades.

Desde a CIG-Saúde queremos chamar a atención unha vez máis pola absoluta falta de competencia destes gobernos, que nos levan a situacións como esta, onde miles de persoas se ven prexudicadas e angustiadas por non saber se van ou non obter praza para a formación en residencia. Inda que se revisen, como afirman, todos os exames, qué garantía terá unha persoa das que participou neses exames de que van estar ben corrixidos?

Isto pasa pola absoluta improvisación coa que se conciben as cousas desde a Administración PP. Non lles importa a Sanidade Pública, nin o persoal que a forma, nin o que a vai formar. Só lles importa a ganancia das empresas amigas. O resto, pódese facer de calquer xeito, improvisando e parcheando, que ben vale desde o seu punto de vista.

Rematemos dunha vez con estas situacións desastre! Rematemos con quen quere esquilmar e desmantelar a Sanidade Pública!

Formación ébola: xornada efectiva

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

A FORMACIÓN EN PREVENCIÓN DE RISCOS É XORNADA EFECTIVA

-TAMÉN A FORMACIÓN PARA PREVIR O ÉBOLA-

ebolaA normativa vixente en materia de Prevención de Riscos Laborais recolle a obrigatoriedade que tén a empresa de formar as/os profesionais para afrontar o seu traballo ante situacións de risco, fronte ás cales é preciso coñecer cómo previr e cómo actuar para evitar, por exemplo, os contaxios.

→A Lei 31/1995, de 8 de novembro, de Prevención de Riscos Laborais, recolle no seu artigo 19. Formación das/os traballadoras/es, que en cumprimento do deber de protección, o/a empresario/a deberá garantir que cada traballador/a reciba unha formación teórica e práctica suficiente en materia preventiva, no momento da súa contratación e independentemente do vínculo contractual ou da duración do mesmo.

A formación deberá estar centrada especificamente no posto de traballo ou función de cada persoa, adaptarse á evolución dos riscos e á aparición de outros novos, e repetirse periodicamente se fose necesaria.

A formación deberá impartirse, sempre que sexa posible, dentro da xornada de traballo, e no seu defecto, as horas invertidas nesta formación computaranse como xornada efectivamente realizada.

En base ao cumprimento da normativa vixente en materia de prevención de riscos laborais, a CIG-SAÚDE vai exixir ao SERGAS, que o tempo invertido polo persoal na formación de prevención de riscos ante o virus do Ébola, se compute como xornada efectiva realizada.

Para máis información contacta coa CIG-SAÚDE no local do teu centro de traballo ou da túa localidade.

Convocatoria das probas 2014 para Especialidades Sanitarias

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publicada no BOE a Orde pola que se convocan probas selectivas para o acceso no 2015 a prazas de formación sanitaria especializada para Médicas/os, Farmacéuticas/os, Enfermeiras/os e outras titulacións:

  • Orde SSI/1674/2014, de 10 de setembro, por la que se aproba a oferta de prazas e a convocatoria de probas selectivas 2014 para o acceso no ano 2015, a prazas de formación sanitaria especializada para Médicos/as, Farmacéuticos/as, Enfermeiros/as e outros/as graduados/as e licenciados/as universitarios/as do ámbito da Psicoloxía, a Química, a Bioloxía e a Física. PDF (BOE-A-2014-9474 - 278 páxs. - 5.218 KB)

Cursos Subvencionados CIG-Saúde

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

forga-vertical

Xa está aberto o prazo dos cursos convocados por forGA dentro da Formación Subvencionada de Interadministrativos. Estes cursos son de acceso para todo o persoal da administración pública, e non conlevan coste para o alumnado.

Podedes ver os cursos de sanidade premendo esta ligazón:https://www.forga.gl/formacion/subvencionada/cursos/convocatoria/Interadministrativo2014/28  e podedes ver todos os cursos de Interadministrativos premendo nestoutra: https://www.forga.gl/formacion/subvencionada/

lapices_xeringa

Para acceder aos cursos de sanidade, premede dentro da páxina de forGA en "Formación Subvencionada", e dentrod ela no botón que pón SAÚDE (ou ben premede directamente nesta ligazón) e poderedes navegar polos distintos cursos en modalidades presencial, a distancia ou teleformación, e nas distintas comarcas, e ver toda a información de cada un deles, así como facer a preinscrición se algún curso é do voso interese.

Entre os cursos ofertados, podedes atopar o curso "Relacións humanas e clima laboral", en modalidade Teleformación para facilitar a súa impartición independentemente do lugar onde se estea.

Atent@s aos prazos de inscrición!

Cursos de Formación da FEGAS

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícanse hoxe no DOG a convocatoria de cursos FEGAS para este período:

  • Cursos FEGAS. RESOLUCIÓN do 9 de xaneiro de 2014, conxunta da Dirección Xeral de Recursos Humanos e da Escola Galega de Administración Sanitaria, pola que se convocan cursos de formación continua para o persoal do Servizo Galego de Saúde. Descargar PDF

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto