Noticias Persoal Outras novas
 
 

Outra carreira profesional é posible

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

cig informa

Esiximos unha negociación da

CARREIRA PROFESIONAL

de boa fe e sen ambigüidades

 

CIG-SAÚDE rexeita o formato de negociación de carreira profesional que se está a desenvolver na mesa sectorial do SERGAS.

Na reunión da comisión técnica de carreira profesional celebrada o día 19 de xaneiro, o SERGAS segue sen aclarar os aspectos básicos da carreira profesional, fíxonos entrega dun documento con mais ambigüidades que certezas.

Ámbito de aplicación.

O documento do SERGAS recolle que a carreira será de aplicación ao persoal estatutario, sen aclarar se este ámbito é de aplicación ao persoal Temporal.

O SERGAS quere separar o ámbito de aplicación do ámbito de percepción do complemento, poden recoñecer o grao pero NON pagalo.

CIG-SAÚDE esixe unha carreira profesional para todo o persoal: fixo e temporal. Para o persoal funcionario e laboral sen requisito de integración. Tamén para o persoal APD pendente do réxime extraordinario e integrado funcionalmente.

A carreira profesional é unha retribución complementaria recollida no artigo 43 do Estatuto Marco, ao igual que o complemento de destino ou o complemento específico. Polo que é de aplicación a todo o persoal sen discriminación.

Valor do grao.

O SERGAS segue ocultando  canto vai valer cada grao.

CIG-SAÚDE esixe que o valor do grao sexa igual que a retribución que se percibe polo réxime extraordinario. Non imos consentir unha Carreira profesional discriminatoria.  

Así mesmo esiximos que o SERGAS demande da Consellaría de Facenda unha partida orzamentaria, que xa debería estar cuantificada, para que o persoal poida cobrar a carreira con efectos do 1 de xaneiro de 2018, e non que o cobro deste complemento quede supeditado ás dispoñibilidades orzamentarias do ano 2019.

Réxime de encadre.

CIG-SAÚDE esixe que o persoal poida acceder ao grao de carreira  que lle corresponda en función da súa antigüidade, con un ano de permanencia no grao consolidado para poder acceder a un novo grao.

Esiximos a anulación do acordo asinado entre o SERGAS e as organizacións sindicais que só permite ao persoal acceder a “UN SÓ GRAO”.

Servizos Prestados.

CIG-SAÚDE esixe a valoración de todos os servizos prestados como fixos e temporais, e como persoal laboral das fundacións.

Infórmate.

Participa.

Non consintas unha Carreira Profesional que consolide os recortes, e que nos sitúe na cola do resto dos servizos de saúde.

Descarga aquí en PDF.

Rolda de prensa SOS Sanidade Pública. Non a esta lei de saúde.

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

2018-01-16 RP SOS Sanidade Publica

 

'SOS Sanidade Pública' chama a mobilizarse contra a política de demantelamento da Sanidade Pública do PP

Atribúe os colapsos das Urxencias aos recortes, as privatizacións e a mala xestión

Representantes de SOS Sanidade Pública compareceron esta martes en rolda de prensa para anunciar a convocatoria de concentracións comarcais para o vindeiro día 24 de xaneiro e unha manifestación nacional en Compostela para o día 4 de febreiro, ás 12:00 horas, con saída da Alameda. A plataforma denuncia a política de recortes, privatizacións e a mala xestión do Partido Popular, alerta das graves consecuencias que isto ten para garantir unha atención de calidade e chama a todas as usuarias e usuarios a defender o sistema sanitario público galego.

Segundo explicaron, as mobilizacións estaban xa previstas antes de que se produciran os graves colapsos que sofren os servizos de urxencias nestas datas. Colapsos que atribuíron precisamente “á política sanitaria do PP” que chamaron a combater.

Unha política por mor da que se pecharon, desde o ano 2009, un total de 790 camas nos hospitais, segundo estima a AGDSP, e que debilitou a estrutura de Atención Primaria.

Atención Primaria

A este respecto sinalaron que os cupos en primaria son de en torno a 1.600 doentes na periferia das cidades e que máis do 50% teñen cupos superiores a 1500 “pola ausencia de creación de prazas e a perda progresiva de persoal”.

Denunciaron ademais a falta de cobertura de ausencias de todo o persoal, con bloqueo de axendas, ou contratación na maioría dos casos por 3 horas. Isto xunto cunha perda progresiva de presuposto xa que, tal e como sinalaron, para 2018 a porcentaxe total é do 13% que é, en Vigo, dun 11% e en Santiago e A Coruña dun 12%, cando a recomendación internacional é dun 25%.

Para SOS Sanidade Pública hai tamén unha ausencia de estrutura directiva, ao perder entidade propia, sendo subalterna dos obxectivos sanitarios hospitalarios.

Decreto para financiar a sanidade privada

As e os representantes de SOS Sanidade Pública alertaron tamén do incremento das listas de espera e dos efectos perversos do ‘Decreto de tempos máximos de espera’, en vigor desde o 10 de xaneiro, co que  o PP pretende combatelo.

“É, directamente, unha fonte de financiamento da sanidade privada”, denunciaron, porque a/o doente non pode elixir xa que “se rexeita a oferta de centro que se lle fai desde a sanidade pública perde o dereito ao tempo máximo garantido”. De feito, o propio decreto di que “o exercicio do dereito de garantía de tempos máximos prevalece sobre o dereito de libre elección”.

Ademais, o centro ofertado pode ser en calquera lugar do territorio galego e se non se lle oferta un centro público ou concertado a/o paciente pode decidir pagalo con dereito a reembolso. “Isto será posible só para quen dispoña dos cartos para pagar previamente”, advertiron.

En todo caso, os tempos máximos só están garantidos nos casos de cancros, patoloxía cardiovascular grave, desprendemento de retina e hidrocefalia, polo que “o resto terán que seguir esperando”, aseguraron.

Política de privatizacións

SOS Sanidade Pública denunciou tamén as privatizacións, tanto no relativo a concesións, como no hospital de Vigo, como no que se refire a sectorización privada, como POVISA, ou á concertación sanitaria e externalizacións.

Mais tamén outras formas máis agochadas de introdución do negocio e os intereses privados na sanidade pública como o procedemento de compra innovadora con financiamento da investigación para empresas privadas; o control da investigación e a formación dos médicos pola industria farmacéutica; o procedemento de adquisición tecnolóxica público-privado do diálogo competitivo ou a introdución de empresas privadas na xestión do servizo como medtronic en cardioloxía.

Contra o Proxecto de Modificación da Lei Galega de Saúde

Coas mobilizacións convocadas SOS Sanidade Pública quere manifestar tamén o seu rexeitamento ás modificacións que o PP pretende introducir na Lei de Saúde. Modificacións coas que se reduce a atención dos hospitais comarcais ao centralizar servizos nas cabeceiras de provincia, eliminando as áreas sanitarias da Mariña, Monforte, O Barco e O Salnés, o que suporá perda de autonomía, capacidade de planificación sanitaria e recursos propios. “Pode ser que teñan recursos ambulantes que vaian desde a capital de provincia pero non serán propios do hospital”, advertiron.

Xunto a isto aseguraron que se reducen as posibilidades de participación social na sanidade, na avaliación da xestión e dos obxectivos sanitarios, limitándose a información e asesoramento.

Denunciaron que consolida o modelo de xestión das EOXI, ligado ao hospital e que sitúa a atención primaria de modo subalterno, dirixindo o sistema cara un “modelo hospitalocentrista orientado á enfermidade e non á promoción da saúde, que escapa da prevención da enfermidade e de incidir nos determinantes de saúde”. Precisamente a estratexia que pode asegurar a sostibilidade da sanidade pública e que mellores resultados dá en saúde.

Denunciaron ademais que consolida a presenza dos intereses privados na investigación pública e na docencia.

Concentración diante do Parlamento

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

2018 01 18 Cartel OrzamentosGaliza 11h

Feijóo impón a súa reforma sanitaria e coloca ao mesmo nivel a sanidade pública e a privada

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Dende a federación de Saúde da CIG reclaman que se atendan todas as necesidades do sistema sanitario público galego

O goberno de Feijóo aprobaba, o pasado xoves día 7 de decembro, a reforma da Lei de Saúde de Galiza, coa que recupera o texto da LOSGA (Lei de Saúde de Galiza) feita polo goberno do PP antes do bipartito. Deste xeito, pon ao mesmo nivel a sanidade pública e a privada e recentraliza os servizos sanitarios dificultando o acceso das persoas que viven nas zonas máis rurais ou illadas.

Xunto con esta Lei publícase o Decreto de desenvolvemento da Lei de Garantías, no que se recolle que se a sanidade pública non cumpre os tempos máximos de espera as e os doentes serán derivados ás clínicas concertadas. Se a persoa reclama o seu dereito a ser atendida na sanidade pública o goberno do PP a penalizará deixándoa sen recibir asistencia sanitaria no prazo indicado en función da súa patoloxía.

Con isto o PP cumpre as súas promesas coa sanidade privada convertendo en negocio a saúde de todas as galegas e galegos, coa garantía de que se algo vai mal sempre estará a sanidade pública para financiar e solucionar os problemas que puideran xurdir.

Un dos argumentos que utiliza Feixóo é que isto vai beneficiar a prestación de servizos nos hospitais comarcais xa que se vai aplicar unha mobilidade forzosa das e dos facultativos e do resto do persoal dos grandes complexos hospitalarios cara os hospitais comarcais, “como se circulando o persoal polo país adiante mellorara a atención sanitaria”, denuncia a CIG-Saúde, “sen garantir os dereitos das/os profesionais que terán que se trasladar do seu centro de traballo a outro, en moitos casos, en traxectos de máis de unha hora de duración”.

Para a secretaria nacional de CIG-Saúde, María Xosé Abuín, “Feixóo pensa que destruíndo equipos estábeis de profesionais garante unha mellor atención”. Considera que detrás disto, o que se agocha é a falta dun estudo serio por parte da consellaría de Sanidade das necesidades de persoal para, a través da formación MIR e EIR, convocar as prazas necesarias para cubrir as necesidades sanitarias futuras”.

Falta de persoal

A CIG-Saúde entende que tamén se pretende agochar a amortización de prazas e a falta de persoal no sistema sanitario público, xa que coa convocatoria de OPE anunciada para 2018 quedan excluídas máis de 2.000 prazas que corresponden ás non convocadas no período que vai desde o ano 2010 até o 2013, onde se aplicou con maior virulencia a taxa de reposición. Un período no que só se cubriron o 10% das vacantes por xubilación.

Á CIG-Saúde preocúpalle a xustificación de Sanidade, que pretende responsabilizar desta medida ás médicas e médicos especialistas porque, segundo afirma a consellaría, non queren ir traballar aos hospitais comarcais.

Fronte este absurdo argumento a CIG-Saúde reclama da consellaría de Sanidade, como xa fixo na mesa sectorial do SERGAS, a constitución dun grupo de traballo para analizar co rigor necesario as necesidades de persoal do sistema sanitario público, as xubilacións de futuro que van dificultar a continuidade asistencial -xa que nos próximos anos están previstas máis vacantes por xubilacións que incorporacións- e todas as medidas necesarias para garantir a asistencia sanitaria independentemente do lugar onde se resida.

Ver a nova en Avantar

2017.08.09.Non a supresion das areas sanitarias

Retribucións xustas nos PACs

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

20171121 ProbaBaixa 2017 11 00 Cartel AtencionContinuada 1

 

 

20171109 CIG-Atencion-continuada-PACs-roubo

 

 

 

 

CIG-Saúde valora positivamente o seguimento da folga xeral no Sergas

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Mantén a concentración diante da consellaría en San Lázaro para hoxe venres día 3, ás 11:00 h

     

    A CIG-Saúde vén de valorar positivamente tanto o seguimento da folga xeral convocada no Sergas para onte e hoxe como as mostras de apoio recibidas das traballadoras e traballadores da sanidade pública galega.

    O persoal do Sergas súmase ao rexeitamento da posición da consellaría de Sanidade, que se negou a establecer un calendario de recuperación dos acordos retributivos suspendidos desde o ano 2010 tal e como se lle viña demandando e nin sequera foi quen de comprometerse a fixar a dotación orzamentaria necesaria para garantir que en 2019 comezan a se retribuír os graos da carreira profesional para todo o persoal, fixo e temporal.

    María Xosé Abuín, secretaria nacional de CIG-Saúde, denuncia en todo caso o intento das Xerencias de boicotear á folga na súa primeira xornada mobilizando persoal de servizos mínimos para ocupar postos de persoas que a están secundando. “Nalgún caso a información que recibimos foi que diante da participación na folga de enfermeiras e enfermeiros de quirófano, outro persoal asumiu o seu traballo como instrumentistas”.

    Abuín demanda da administración un “escrupuloso respecto ao dereito á folga das traballadoras e traballadores do Sergas” e advirte que “está en mans da consellaría de Sanidade recoñecer os dereitos laborais e retributivos do persoal do Servizo Galego de Saúde para rematar así con este conflito”.

    Lembra ademais que as organizacións sindicais asinaron acordos coa administración que “non poden depender das decisións unilaterais que adopte en cada momento o partido que sustenta o goberno”. Xunto a isto advirte que “se a esta administración non lle satisfán estes acordos, o que ten que facer é pór enriba da mesa outros, non limitarse a suspendelos deixando ás traballadoras e traballadores do Sergas nas peores condicións salariais do Estado español”.

    A CIG-Saúde fai un chamamento a participar na concentración convocada para hoxe venres, día 3, ás 11:00 horas diante da consellaría de Sanidade en San Lázaro. Unha mobilización que coincide coa segunda xornada de folga.

     
     
     
     
     
     
     
     

    rss queremos-galego FUNDmonchoREBOIRAS

    1leftarrow-icone-5226-48

     

    Confederación Intersindical Galega - Federación de Saúde
    Miguel F. Caaveiro, 10 - Santiago de Compostela 
    Telf 981 55 28 26 - Fax 981 57 10 82
    executiva@cig-saude.info - secretarianacional@cig-saude.info - saudelaboral@cig-saude.info

    2uparrow-icone-4301-48 1rightarrow-icone-9847-48

    Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
    Se estás de acordo, preme este botón: Acepto