Noticias Persoal Diplomad@s Sanitari@s
 
 

Diplomad@s Sanitari@s

Especialidades de Enfermaría: normalizar a situación

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

agrup_enferm_positivo_cor

A AGRUPACIÓN ENFERMEIRA DE CIG-SAÚDE EXIXE DO SERGAS

QUE DUNHA VEZ POR TODAS NORMALICE A SITUACIÓN DE IRREGULARIDADE

NA QUE ESTÁ A MANTER AS/OS ENFERMEIRAS/OS ESPECIALISTAS

Para que as enfermeiras/os especialistas poidan acceder ás prazas correspondentes da súa especialidade, o SERGAS e a Consellaría de Sanidade debe normalizar esta situación nos orzamentos do 2014.

Enfermeira Especialista en Saúde Mental:  O 9 de xullo de 1998 o Ministerio de Educación establece o perfil profesional da/o enfermeira/o especialista en Saúde Mental. No ano 2007 a Consellaría de Sanidade crea mediante o Decreto 95/2007, do 3 de maio a categoría estatutaria de enfermeira/o especialista en Saúde Mental. Na convocatoria de OPE 2009 o SERGAS convocou 9 prazas de enfermeira/o especialista en Saúde Mental.

Nas unidades de Saúde Mental do SERGAS están a traballar enfermeiras/os especialistas que o SERGAS está a retribuír como enfermeiras/os xeralistas malia recollerse na Orde de confección de nóminas, que é a norma pola que se retribúe ás/aos profesionais, a categoría de Enfermeira/o Especialista en Saúde Mental.

Consellería de Facenda:  ORDE do 11 de marzo de 2013 pola que se ditan instrucións sobre a confección de nóminas do persoal ao servizo da Administración autonómica para o ano 2013.

 

S A2 33 ENFERMEIRO/A ESPECIALISTA EN SAÚDE MENTAL . Grupo A2

Soldo base

Complemento Destino

Compl. Específico

Productividade

958,98

546.41

262.44

147.96

 

Desde CIG-SAÚDE exiximos que nos ORZAMENTOS do ano 2014 todas as prazas de enfermeira/o de Saúde Mental se recollan co código S A2 33, e que se proceda á reclasificación de todo o persoal que estea en posesión da devandita especialidade. A Admón. non se pode comportar como un empresario ruín e miserábel, empregando persoal altamente cualificado para retribuílo a prezo de saldo.

Así mesmo solicitamos que o SERGAS, en base ás competencias que lle atribúe o artigo 15 do Estatuto Marco, convoque de inmediato unha Mesa de Negociación para proceder á negociación da creación das categorías estatutarias de Enfermeira/o Especialista en: Familiar e Comunitaria, Pediatría, e Xeriatría, toda vez que ademais no caso de Enfermaría Familiar e Comunitaria e de Enfermaría Pediátrica, o SERGAS tén unidades docentes  acreditadas para a formación EIR, cunha oferta de prazas crecente ano a ano.

Estas novas prazas de enfermeiras/os especialistas deben incorporarse á Orde de nóminas do ano 2014 co código correspondente á súa categoría, e crearse as prazas correspondentes nas sucesivas Leis de Orzamentos.  Medidas que terían que afectar tamén ás contratacións.

É inaceptable que o SERGAS teña unidades docentes acreditadas, nas que se forman profesionais de enfermaría altamente cualificadas/os, para despois abandonalas/os á súa sorte por non teren saída laboral na súa especialidade, estragando esforzos e coñecementos que incrementarían a calidade dos coidados dispensados a doentes e  entorpecendo inda máis o desenvolvemento da disciplina enfermeira.

Creación das categorías de Enfermaría Especialista en Familiar e Comunitaria, Pediatría e Xeriatría XA!

Publicación admitidos/as e excluídos/as para a proba de Enfemaría Xeriátrica

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícase hoxe no BOE esta resolución:

  • Resolución de 3 de outubro de 2013, da Dirección Xeral de Política Universitaria, pola que se aproba a relación definitiva de admitidos/as e excluídos/as á realización da proba obxectiva correspondente ao acceso ao título de Enfermeira/o Especialista en Enfermaría Xeriátrica. PDF (BOE-A-2013-10517 - 35 páxs. - 1.739 KB)

A lista de admitidos/as pódese consultar nesta ligazón. A lista de excluídos/as nestoutra ligazón. Hai un prazo de 15 días naturais a partir de mañá para presentar documentación ou solicitudes de subsanación da exclusión.

Máis información aquí.

Lembranza: Acceso excepcional ás especialidades de enfermaría

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Ante a convocatoria da proba para a especialidade de Enfermaría Xeriátrica, publicamos este artigo informativo sobre o acceso excepcional ás especialidades de enfermaría, a modo de lembranza.

Real Decreto 450/2005, do 22 de abril, sobre especialidades de Enfermaría (B.O.E. do 6 de maio).

A Disposición transitoria segunda do Real Decreto 450/2005, do 22 de abril, sobre especialidades de Enfermaría, en relación ao acceso excepcional ao titulo de especialista, contempla a posibilidade de acceso ao título de Enfermeira/o especialista a todas/os as/os tituladas/os que acrediten o exercicio profesional e superen unha proba de avaliación da competencia, nos termos e polo procedemento previstos.

Poderase solicitar máis dun título de enfermeira/o especialista para o cal é indispensábel presentar para cada unha das especialidades pedidas unha solicitude cumprimentada e asinada, acompañada de toda a documentación necesaria. Pero de ter aprobadas a probas de máis dunha habería que escoller, xa que só se pode obter unha delas por esta vía excepcional.

Situación para o acceso excepcional a día de hoxe de cada especialidade:

  • Enfermeira/o Especialista en Enfermaría en Saúde Mental: O prazo de presentación de solicitudes ao título de Saúde Mental, finalizou o 22 de agosto de 2.008. A proba obxectiva realizouse no primeiro trimestre do 2010.
  • Enfermeira/o Especialista en Enfermaría do Traballo: O prazo finalizou o día 22 de marzo de 2010. A proba obxectiva realizouse no primeiro trimestre de 2011.
  • Enfermeira/o Especialista en Enfermaría Xeriátrica: O prazo finalizou o día 22 de marzo de 2011.  (Convócase hoxe a proba obxectiva, a realizar no ultimo trimestre de 2013)
  • Enfermeira/o Especialista en Enfermaría Familiar e Comunitaria: O prazo finalizou o día 22 de marzo de 2011. Pendente de convocar.
  • Enfermeira/o Especialista en Enfermaría Pediátrica: O prazo finalizou o día 22 de marzo de 2011. Pendente de convocar.
  • Prazo de presentación para a especialidade de Coidados Médico – Cirúrxicos:  O prazo de presentación de solicitudes para a especialidade de Enfermaría de Coidados Médico-Cirúrxicos prolongarase ata pasados seis meses da publicación no BOE da convocatoria da proba anual de carácter estatal, (proba de acceso a través do sistema de Residencia - EIR) na que por primeira vez se oferten prazas de formación nesta especialidade.

Máis información: Ligazón 1 á web do Ministerio de Educación // Ligazón 2 á web do Ministerio de Educación

Proba obxectiva Enfermaría Xeriátrica

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo

Publícase hoxe no BOE a convocatoria para a proba obxectiva para obter o título de Enfermeira/o Especialista en Enfermaría Xeriátrica.

  • Resolución de 30 de agosto de 2013, da Dirección Xeral de Política Universitaria, pola que se convoca a proba obxectiva correspondente ao acceso ao título de Enfermeiro/a Especialista en Enfermaría Xeriátrica. PDF (BOE-A-2013-9371 - 58 páxs. - 3.073 KB)  

Esta disposición publicada hoxe inclúe a publicación das listas de admitidas/os e excluídas/os á realización da proba, así como o xeito de reclamar en caso necesario. As persoas aspirantes admitidas á proba obxectiva correspondente ao acceso ao título de Enfermeira/o Especialista en Enfermaría Xeriátrica, disporán para realizar dita proba, dun máximo de dúas convocatorias.

Datas de celebración da proba:
– Sábado, 19 de outubro de 2013. Aspirantes con apelido entre ABAD e LONGUEIRA.
– Domingo, 20 de outubro de 2013. Aspirantes con apelido entre LÓPEZ e ZURITA.
– Sábado, 23 de novembro de 2013. Aspirantes que non se presenten na data asignada para o primeiro exame ou que non superaran a proba.

Lugar de celebración da proba: Universidade Autónoma de Madrid (Campus Cantoblanco, Estrada de Colmenar Viejo, Km. 15. 28049 Madrid) en:
– Facultade de Dereito.
– Facultade de Económicas e Empresariais.
– Facultade de Ciencias, Edificio de Bioloxía.

Hora de comezo e duración da proba:
– De 10 horas a 13 horas, ininterrumpidamente.

Como se pode ver, tamén aquí se nota a nosa condición de nación colonizada. Os exames hai que facelos en Madrid, como non, centralismo imperialista español.

Despois desta proba, quedan pendentes de convocar as relativas aos títulos de especialista en Enfermaría Pediátrica e en Enfermaría Familiar e Comunitaria.

------------------------------------

Actualización 16 setembro: Publicada corrección de erros no BOE.

·         Resolución de 9 de setembro de 2013, da Dirección Xeral de Política Universitaria, pola que se corrixe a de 30 de agosto de 2013, pola que se convoca a proba obxectiva correspondente ao acceso ao título de Enfermeira/o Especialista en Enfermaría Xeriátrica. PDF (BOE-A-2013-9624 - 1 páx. - 132 KB)  

Publicadas as listas provisorias de admitid@s e excluid@s para as probas EIR

Correo-e Imprimir PDF
Partillar no Chuza!Partillar no TwitterPartillar no FacebookPartillar no TuentiPartillar no MenéamePartillar no Cabozo
Veñen de publicarse as listaxes provisorias de admitid@s e excluid@s para as probas selectivas de acceso á formación especializada de enfermaría. Aquelas persoas que se tiveran inscrito poden consultar a súa situación nas listaxes dirixíndose á páxina web habilitada ao efecto polo Ministerio de Sanidade.

@s aspirantes deben comprobar a exactitude dos datos que conteñen as relacións e, en caso necesario, presentar, no prazo de DEZ días naturais (contados a partir do 19 de novembro), a oportuna reclamación, utilizando o modelo que se atopa colgado na páxina web do Ministerio. Pódense consultar aqui os motivos de exclusión das listaxes e a documentación a presentar para subsanalos.

Unha vez examinadas as reclamacións que presenten, as relacións definitivas, unha vez aprobadas, exhibiranse a partir do 4 de xaneiro de 2012, e nelas anunciaranse as Aulas e Mesas de Exame sinaladas a cada aspirante. Lembrade que a celebración das probas está prevista para o 28 de xaneiro de 2012.

Para máis información, premer aqui.

 
 
 
 
 
 
 
 

rss queremos-galego FUNDmonchoREBOIRAS

1leftarrow-icone-5226-48

 

Confederación Intersindical Galega - Federación de Saúde
Miguel F. Caaveiro, 10 - Santiago de Compostela 
Telf 981 55 28 26 - Fax 981 57 10 82
executiva@cig-saude.info - secretarianacional@cig-saude.info - saudelaboral@cig-saude.info

2uparrow-icone-4301-48 1rightarrow-icone-9847-48

Este sitio utiliza cookies propias e de terceiros para mellorar a experiencia dos e das usuarias. Máis información sobre as cookies, o seu uso, modificación ou eliminación en política de cookies.
Se estás de acordo, preme este botón: Acepto