Os obxectivos da Plataforma son os seguintes:

1) O obxectivo xeral é a mellora da atención sanitaria na área de saúde da Coruña

2) No concreto esta Plataforma quere ser

a) Un instrumento de información e de participación da cidadanía e de denuncia de todas as políticas e accións que ameacen a sanidade pública

b) Un instrumento de promoción de accións de mellora así como de utilización da sanidade e dos centros sanitarios públicos da área de saúde da Coruña

3) Actuar de xeito coordinado coa Plataforma Galega de Defensa da Sanidade Pública para impedir a posta en marcha de políticas de privatización da sanidade pública

4) Na Área da Coruña a Plataforma está preocupada prioritariamente, en concreto, por:

a) A ralentización das obras do Plan Director do Hospital Universitario da Coruña.

b) As excesivas listas de espera de todas as especialidades médicas e cirúrxicas e de realización de probas diagnósticas.

c) A paralización do Plan Estratéxico de Saúde Mental.

d) A Paralización do Plan de Mellora de Atención Primaria.

e) O recorte de prazas de persoal en todas as categorías da sanidade pública.

f) A previsión de financiamento privado dos novos centros de saúde.

Estaban presentes, polas organizacións constituíntes, as seguintes persoas:

- Asociación Coruñesa de Fibromialxia e Fatiga Crónica: Manuel Vázquez Cela, Vicepresidente da Asociación (ACOFIFA);

- BNG: Ramón Veras Castro, Responsable da Comisión Nacional de Sanidade do BNG;

- CCOO: Xosé M. Lado Lestón, Secretario Xeral U.C. de CCOO da Coruña;

- CIG: Paulo Carril Vázquez, Secretario Xeral da Unión Comarcal de A Coruña;

- Federación de Asociacións de Veciños da Coruña e Área Metropolitana: María Luisa Varela Insua, Presidenta da Federación;

- PSdeG-PSOE: José Manuel Dapena Varela, Secretario de Medio Ambiente y Secretario Adjunto de Organización de la agrupación local de A Coruña;

- UGT: José Carrillo Souto, Secretario Xeral da Unión Comarcal de UGT Coruña;

- Xunta de Persoal da Área de Saúde da Coruña: María Jesús Seijo García, Presidenta da Xunta de Persoal.