productivity13

Modulo1

espazo

SOS-3D-peq

Contratacións

Contratacions


Calendario Laboral

CALENDARIO-2017

Orde Conf. Nóminas

2017

Orde Nominas 2017

Exclusiva-3

CIG-Saúde e a Exclusividade

Información

SERGAS Xunta
D.O.G. BOE en Galego
Acceso a: Biblioteca  Cochrane Plus Fisterra, AP na rede
Diario Médico Acceso a: U.S. National Library of  Medicine
El Médico Interactivo FADSP

Lingua

en galego

 

Por un Dominio Galego na Internet

 

Tradutor

Web vella

logo

Afiliate xa!


O_Sindicalismo

SOLIDARIZARNOS CON MADRID, É DEFENDER O NOSO Imprimir Correo-e
Luns, 14 Xaneiro 2013 20:29

SOLIDARIZARNOS CON MADRID, É DEFENDER O NOSO. 

Mani-Madrid    Despois do parón do Nadal, os facultativos e facultativas madrileñas están relanzando a súa loita e, para dentro dunhas semanas, están convocadas novas folgas contra a salvaxe privatización do sistema sanitario madrileño que lles pretende impoñer.

   Até agora, a loita dos e das traballadoras da sanidade pública madrileña, ten contado coa simpatía da grande maioría das e dos facultativos galegos. Sen embargo, esa simpatía non se ten aínda concretado en medidas de solidariedade tanxíbeis con eles, que fagan evidente que a súa e tamén a nosa loita. Malia que é bastante evidente que, no caso de que a “batalla de Madrid” remata coa vitoria dos partidarios da privatización, temos moitas posibilidades de que despois pretendan aplicar esas medidas en Galicia. Na opinión da Agrupación Médica de CIG-Saúde (AgM-CIG), os e as facultativas galegas deberíamos topar a forma de facer evidente a nosa solidariedade cos nosos colegas madrileños, na plena consciencia de que, se eles perden, os seguintes somos nos.

     O goberno de Nuñez Feijoo xa ten demostrado que está pola privatización do sistema sanitario público galego, e aí están para demostralo a súa aposta para construír, con modelo PFI, os novos hospitais de Vigo e Pontevedra, así como numerosos centros de saúde. Que ninguén dubide de que o que até agora teñen presentado é só o seu programa mínimo e que, como gañen a “batalla de Madrid” existe unha elevada probabilidade de que tamén aquí tenten levar adiante o seu “programa máximo”, promovendo a privatización con moita maior forza. E non debemos esquecer que, se avanza a privatización, alén de que supoñerá un deterioro na calidade asistencial, a nós tamén nos afectará fortemente: teremos que soportar fortes presións para que renunciemos ao vínculo estatutario e aceptemos a laboralización, pois nos ameazarán con trasladarnos se nos negamos a facelo (a existencia de área única semella dar pé a ameaza); ademais, se profundizará moito máis o proceso de deterioro das nosas condicións retributivas e laborais pois a privatización leva aparellada unha redución de salario e unha clara precarización das condicións de traballo.


Saír da parálise!!,   Solidarizarnos con Madrid!!,   Defender a Sanidade Pública!!,  

é a mellor maneira de defendérmonos.

 
VERGOÑA E PRIVATIZACIÓN Imprimir Correo-e
Domingo, 13 Xaneiro 2013 22:21

Güemes e a indignidade dunha “Porta Xiratoria” que compre pechar.

Vergoña para quen o practica e para aqueles que o xustifican.

giratoria1O espectáculo que están dando determinados políticos, fundamentalmente do PP, usando o seu paso pola dirección dos servizos públicos en beneficio dos seus intereses na empresa privada (a “Porta Xiratoria”), non debe quedar impugne e debe ser legalmente imposibilitada. Unha lei de incompatibilidades que o impida, debe ser unha medida de hixiene democrática que todas as persoas honradas deberían apoiar.

A desvergonza do marido da inefable Andrea Fabra (que se fodan!!), exemplifica claramente cales son os motivos reais do proceso de salvaxe privatización que está sofrindo o sistema sanitario madrileño. E non debemos ser inxenuos, se triúnfan en Madrid, van tentar repetir a operación co sistema sanitario público galego. A batalla de Madrid tamén e nosa.

A empresa da que é conselleiro Juan José Güemes quédase coa xestión das análises clínicas que él mesmo privatizou. O exconselleiro de Sanidade da Comunidade de Madrid forma parte desde agosto do consello de administración da empresa sanitaria Unilabs, integrada no grupo Capio. Unilabs acaba de comprar o 55% da Unión Temporal de Empresas á que o propio Güemes, sendo Conselleiro de Sanidade, adjudicou o servizo público de análises en seis hospitais madrileños. Son os seis centros cuxa xestión sanitaria quere privatizar proximamente a Comunidade de Madrid. Cadena Ser.

Unha empresa de Güemes integrada en Capio vai lucrarse da privatización que él mismo aprobou. O exconselleiro de Sanidade da Comunidade de Madrid pertence a Unilabs, quen ven de mercar o 55% da empresa á que Güemes adxudicou o servizo público de análise nos seis hospitais que quere privatizar o goberno madrileño. Publico.es.

A porta xiratoria entre a sanidade pública e a privada. Manuel Lamela ya creó la mercantil Madrid Medical Destination tras abandonar el cargo de consejero de Sanidad de Madrid. El País, 12/01/2013.

Non somos ninguén. Manolo Rivas comenta o fenómeno da Porta Xiratoria. El País 12/01/2013.

 
O NEGOCIO DA SAÚDE EN ESPAÑA Imprimir Correo-e
Domingo, 13 Xaneiro 2013 23:09

Hospital-LaRiberaOs xigantes da sanidade privada.

Dous grandes grupos, Capio e Ribeira Salud, repártense os procesos de privatización do sistema sanitario público en España

Interesante reportaxe publicado no diario  “El País” o domingo 6 de xaneiro de 2013, ver en  ico_pdf   e na web

 
A OMC protagoniza unha operación de marketing a favor de Núñez Feijoo Imprimir Correo-e
Mércores, 12 Decembro 2012 23:21

medicos-madrid-recortes Diante das informacións aparecidas na prensa sobre o informe “Profesión médica e reforma sanitaria” solicitado polo presidente da Xunta, e entregado este luns polo presidente da Organización Médica Colexial (OMC), a Agrupación Médica de CIG Saúde quere que @s facultativ@s e o conxunto da poboación coñezan a súa valoración do sucedido:

1.  Estamos diante dunha operación de imaxe a maior gloria dun Núñez Feijoo quen, na introdución do documento asinada polo presidente estatal da Organización Médica Colexial (OMC), é louvado e posto como exemplo de boa xestión en época de crise e recortes, nunha clara e extemporánea demostración de que, entre outras cousas, o señor Rodríguez Sendín ten un coñecemento escaso das políticas reais que ven aplicando o goberno do Sr. Feijoo a prol da privatización da sanidade pública galega.

2.  O Sr. Feijoo quere dar unha imaxe de si mesmo máis “centrista” e o presidente da OMC colabora entusiastamente nesa operación. O presidente da Xunta quere desmarcarse da imaxe cavernícola, por servil aos intereses privatizadores que, noutras CCAA, proxectan os sectores máis integristas do seu propio partido, sectores polo demais con importantes vencellos persoais cos grupos económicos da sanidade privada. Non sorprende que nesa operación de maquillaxe participen os máximos dirixentes de algún dos colexios de médicos galegos máis vinculados ao PP e que participaron no fiasco que, desde o punto de vista da eficiencia significaron as novas formas de xestión xa ensaiadas e fracasadas en Galiza (fundacións hospitalarias, Medtec, ...). Sorprende máis a presenza doutras organizacións colexiais de ámbito provincial que queremos pensar que non eran plenamente conscientes de que estaban sendo utilizadas.

3.  O persoal da sanidade madrileña está loitando para evitar a salvaxe privatización da sanidade pública que o goberno de Madrid pretende levar a cabo. O apoio a esta loita, na que o persoal facultativo está a xogar un importante papel, debería ser a prioridade das organizacións médicas profesionais e sindicais. Todas as organizacións médicas madrileñas, científicas, profesionais e sindicais téñense manifestado en contra da brutal privatización que nesa CC.AA. pretende efectuar o PP. En Madrid están tentando aplicar o “programa máximo” e, desmarcándose do que pasa alí, o Sr. Feijoo pretende poñerse un fardel de moderado que non lle corresponde. A política sanitaria que ven aplicando o goberno galego, é tamén claramente privatizadora da sanidade pública, como se pon claramente de manifesto nas propostas de construción con modelos de financiación público-privada (PFI) dos novos hospitais públicos de Vigo e Pontevedra e dun bo número de centros de saúde, modelos que a experiencia amosa que son claramente ineficientes.

4.  Cómpre termos claro que, se a política sanitaria do goberno galego semella mais moderada que a que está incendiando a sanidade madrileña, isto é debido fundamentalmente ás importantes mobilizacións en defensa da sanidade pública que se desenvolveron en Galiza nos últimos anos, promovidas fundamentalmente pola plataforma unitaria “SOS Sanidade Pública”. Nesas mobilizacións en defensa do sistema sanitario público galego é imprescindible incrementar a presenza do persoal médico como grupo profesional.  A solidariedade c@s nos@s colegas madrileñ@s, que están loitando man a man co resto de persoal, pode ser un excelente campo para facernos oír como médic@s e dar un salto cualitativo na implicación do persoal facultativo galego na loita en defensa da sanidade pública e contra a súa privatización.

5.  No que fai o informe en si, debe sinalarse que contén algúns elementos interesantes e outros nos que estamos en desacordo, mais debe ficar claro que representa so a opinión dos seus 10 redactores, e en todo caso do presidente da OMC e da cúpula estatal dos colexios de médicos. Desde logo non representa a opinión d@s facultativ@s galeg@s, que non tivemos participación ningunha na súa elaboración.

6.  Desde unha perspectiva estritamente sindical, como Agrupación Médica de CIG-Saúde, queremos deixar absolutamente claro que non compartimos para nada unha pretendida disposición d@s facultativ@s a aceptar reducións salariais como propón o documento. As condicións salariais dos traballadores e traballadoras da sanidade pública, incluídas as do persoal facultativo, son por lei competencia da negociación entre a administración e os sindicatos, e a OMC e os colexios de médicos deberían de ser máis escrupulosos e respectuosos coas organizacións sindicais e evitar meterse en aspectos que non son da súa competencia.


Ver Nota de Prensa  ico_pdf

 
Os médicos madrileños retoman a folga indefinida. Imprimir Correo-e
Luns, 03 Decembro 2012 21:32

SomosMedicosPacientesIMPORTANTE PARTICIPACIÓN DAS  FACULTATIVAS E FACULTATIVOS NA FOLGA DA SANIDADE PÚBLICA MADRILEÑA.

O obxectivo é conseguir a retirada do Plan de Medidas de Garantía de la Sostenibilidad do Sistema Sanitario Público, que inclúe a privatización da xestión de seis hospitais públicos e 27 centros de saúde, entre outras.  

Os facultativos madrileños déronse conta, por fin, de que a defensa dos seus intereses profesionais e laborais están claramente relacionados coa defensa da sanidade pública, e que eses intereses veranse moi negativamente afectados se a privatización vai adiante. Por iso están mobilizándose masivamente.

As e os facultativos da Agrupación Médica da CIG (AgM-CIG) solidarizámonos cos médicos madrileños e seguiremos traballando para que tamén os facultativos galegos nos mobilicemos cada vez máis activamente contra a privatización da sanidade pública e en solidariedade cos nosos colegas madrileños.
 

Ver nova de “El País” do 03/12/2012 ico_pdf
 
Ver nova de “El País” do 04/12/2012 ico_pdf

 
SOS Sanidade Pública apoia as mobilización madrileñas contra a privatización, Imprimir Correo-e
Domingo, 02 Decembro 2012 19:10

SOS-3DA Plataforma SOS SANIDADE PUBLICA, na que está integrada a CIG, APOIA AS MOVILZACIONS DOS CIDADANS E TRABALLADORES SANITARIOS DA CCAA DE MADRID.

Resolución de SOS-Sanidade Pública aprobada o 27/11/2012.

Os gobernos das Comunidades de Galicia, Valencia e Madrid foron pioneiros na aplicación das políticas de desmantelamento e privatización da sanidade pública

Aínda que en Galicia houbo unha importante resposta e mobilizacións contra algunhas destas medidas, tanto en Valencia e Madrid a resposta non foi concordante coa gravidade e transcendencia das medidas adoptadas polos gobernos do PP.

Agora tras a publicación do Real Decreto 16/2012 (que introduce o copago, vincula o dereito á atención a cotizar (deixando fose a mozas, mulleres divorciadas ou excluídos sociais), ou limita a oferta de servizos públicos a unha carteira básica para abrir camiño aos seguros complementarios, etc,), o Partido Popular que goberna a CCAA de Madrid acelerou o proceso privatizando total dos 6 hospitais de colaboración público-privada (PFI), os servizos de laboratorio, radioloxía ou do 10% dos centros de saúde, e desmantelando os hospitais da Princesa, Carlos III e Instituto de Cardiología coa finalidade de abrir espazo aos centros privados. Pretende así crear unha masa crítica que faga imposible a marcha atrás.

A gravidade das medidas xerou un gran resposta cidadá e dos sanitarios, incluídos medicos e persoal de enfermería; nesta CCAA  que están levando a cabo peches, manifestacións, e folgas, seguidas masivamente pola totalidade dos centros sanitarios públicos..

A alianza socio-profesional contra da privatización sanitaria está deteriorando gravemente a imaxe do goberno madrileño ante a opinión pública e abre un novo escenario que pode freala. O triunfo ou derrota desta loita pode supor frear a privatización ou deixar o camiño libre para o seu xeneralización ao resto de CCAA.

O inimigo posúe unha estratexia privatizadora a nivel estatal e mesmo global, o que obriga a unha acción solidaria para parar estas políticas depredadoras dos bens públicos e comúns

En base a isto desde a Plataforma SOS Sanidade Pública en Galicia acordamos

1.- Mostrar a nosa solidariedade e apoio á mobilización dos cidadáns e sanitarios da CCAA de Madrid contra o desmantelamento e privatización da súa sanidade pública

2.- Solicitar á Alianza Social Galega que faga súa esta proposta e esténdaa ao conxunto de organizacións sociais que se opón o desmantelamento do Estado Social.

3.- Manter e incrementar a mobilización en Galicia contra a privatización de hospitais, centros de saúde e Servizos centrais; os copagos, a eliminación do dereito a atención da xente noiva i excluídos sociais, o desmantelamento das áreas sanitarias,etc..

5.-  Enviar unha mensaxe ao goberno da xunta  para que se absteñan de incluír na Lei de Orzamentos ningún artigo que permita a privatización da sanidade.

6.- Facer un chamamento a todas as Plataformas das  diferentes CCAA a coordinar esforzos e actuacións para frear o desmantelamento do Sistema Sanitario no Estado.

 
OS CIDADÁNS REXEITAN A PRIVATIZACIÓN DA SANIDADE PÚBLICA Imprimir Correo-e
Domingo, 02 Decembro 2012 17:42

- So o 9% da poboación está a favor da privatización dos hospitais públicos.

- Máis de 2/3 da poboación cre que a xestión privada dos hospitais empeora a sanidade.

“El Pais”, 2 de decembro de 2012 (Edicción Dixital e en papel).


87NonPrivatizacion69Emperorara_1

 
Quen non asine os obxectivos mantén o dereito a percibir o adianto mensual do CPV. Imprimir Correo-e
Martes, 06 Novembro 2012 18:09

produtividadeEn sentenza firme e non recorríbel, a Xustiza dálle a razón á AgM-CIG, e establece que é ilegal non abonar o adianto mensual do CPV aos facultativos que non asine os obxectivos.


   Ven de ficar demostrado, como foi repetidamente denunciado pola Agrupación Médica da CIG (AgM-CIG), que as ameazas dos responsábeis do SERGAS aos facultativos que non querían asinar os obxectivos, estaban baseadas en falsidades e eran ilegais.

     Nos pasados anos, moitos facultativos amosamos o noso profundo desacordo tanto co contido de algúns dos obxectivos que o SERGAS pretendía obrigarnos a subscribir (obxectivos excluíntes de todo ou nada, ...), como coa ausencia de negociación real para establecer eses mesmos obxectivos. Como concreción do noso desacordo, e diante da obsesión das xerencias en forzarnos a asinalos, xurdiu a idea de negarnos a asinar os obxectivos. O SERGAS despregou unha intensa, e en boa medida exitosa, campaña de presións sobre os profesionais para forzar a firma; e os principais “argumentos” que a administración usou nesa campaña foron dúas ameazas: a de non realizar a avaliación anual e non pagar o Complemento de Produtividade Variábel (CPV) aos profesionais quen non asinara os obxectivos, e a de que os que non asinaran non recibirían os adiantos mensuais a conta dese complemento.

    Moitos facultativos denunciamos esas ameazas e sempre defendemos que estaban baseadas en supostos ilegais. Diante desas denuncias a administración foi progresivamente recuando: non se atreveu xa a non avaliar aos facultativos que non asinaran os obxectivos de 2011, e veu pagando o adiante mensual a conta a algúns facultativos que non asinaran os obxectivos para 2012. Sen embargo, en paralelo e de xeito incoherente, o SERGAS non lles veu aboando ese adianto a outros facultativos que tampouco asinaron os obxectivos para 2012. Á vista da situación, a AgM-CIG decidiu, no verán de 2012, promover un recurso contencioso administrativo para demostrar claramente que esa práctica do SERGAS é ilegal e clarexar definitivamente a situación.

      Diante do recurso presentado polos servizos xurídicos da CIG en representación dun facultativo que se negou a firmar os obxectivos para o ano 2012, o Xulgado do Contencioso Administrativo nº 2 de Pontevedra recoñece “o dereito do demandante a que se lle paguen os anticipos do CPV, igual que ao resto dos facultativos, con independencia de que non firmase os obxectivos”. A sentenza deixa claro que tamén é ilegal a ameaza do SERGAS de non realizar a avaliación anual e non pagar o CPV aos facultativos que non asinen os obxectivos. Datada o 18 de outubro de 2012, a sentenza é firme, non recorríbel polo SERGAS, e a administración é  condenada a abonar as costas.

      Desde AgM-CIG consideramos que o SERGAS debe abandonar as estratexias baseadas en ameazas, e que debe procurar estratexias de encontro cos profesionais que permitan que o CPV deixe de ser un elemento de discordia nas relacións laborais no SERGAS.

     Nese camiño, a CIG está negociando co SERGAS a rápida extensión automática da sentenza a todos os profesionais que non asinaron os obxectivos en 2012 e aos que non se lles está pagando o adianto mensual do CPV a conta. Esperamos que o SERGAS acepte esa extensión automática da sentenza pois, de non facelo así, desde os servizos xurídicos da CIG se promoverán os correspondentes recursos individuais para obrigar ao SERGAS a facelo, coa evidente consecuencia, ademais de seguir cabreando aos profesionais, de que o SERGAS deberá aboar as costas de cada un deses recursos.

 
Os principais aspectos da posición sobre o CPV da AgM-CIG, poden consultarse aquí e aquí.

 
FOLGA XERAL 14 de NOVEMBRO Imprimir Correo-e
Mércores, 31 Outubro 2012 12:54

O Consello Confederal da CIG ratifica a decisión de convocar folga xeral para o 14 de novembro. ico_pdf


Coincide coa convocatoria a nivel de estado con CCOO e UGT e noutros países periféricos da UE como Portugal.


O obxectivo da folga xeral é mostrar o rexeitamento da clase traballadora galega ás reformas en materia de lexislación laboral, políticas sociais e políticas económicas e orzamentarias.


Fonendos-14N-2a) Oposición á reforma da lexislación laboral, que provocou un retroceso sen precedentes nos dereitos dos traballadores e traballadoras, tanto no plano individual como no colectivo.


b) Oposición ás políticas antisociais, chamadas de austeridade, que poñen en perigo os fundamentos do Estado Social: educación, sanidade e servizos públicos.


c) Oposición ás medidas económicas e fiscais que están a agravar a crise, incrementando o desemprego, a pobreza e a exclusión social.

 
Concurso de Traslados Licenciad@s Sanitari@s Imprimir Correo-e
Mércores, 07 Novembro 2012 23:00

maletas-2Publícase no DOG do 7 de novembro a resolución relativa á publicación da relación definitiva de admitid@s/excluíd@s do concurso de traslados para as categorías de Licenciad@s Sanitari@s (agás Uroloxía) así como os destinos provisionais acadados.

Establécese un prazo de 15 días hábiles para posibles reclamacións sobre os destinos provisionais adxudicados.

 
MOBILIZATE CONTRA O SAQUEO AO QUE NOS SOMETE O GOBERNO DO PP Imprimir Correo-e
Mércores, 10 Outubro 2012 11:06

urna2VOTA O 21 DE OUTUBRO, DILLE A FEIJOO QUE NON!!


Non consintas que os mercados e as políticas neoliberais nos convertan en escravas/os dos seus intereses. A súa avaricia non ten límites, e para isto contan co apoio e a complicidade de FEIJÓO E DE TODO O PARTIDO POPULAR.

Non podemos permitir que mentres hai cada día máis ricos/as, e aumenta a súa riqueza, o resto do pobo nos quedemos sen traballo, sanidade pública, educación, servizos sociais...

Qué compensación están a recibir o Sr FEIJÓO e o seu goberno por condenar ao pobo Galego a límites de pobreza extrema  destruíndo os servizos públicos e o estado de benestar?

Desde CIG-SAÚDE queremos enumerar algunhas das medidas que o goberno do PP implementou na Galiza para conseguir o seu obxectivo: “desmantelamento da sanidade pública para vendela ao mellor postor”.

Ler máis...
 
Apróbase a OPE de FEAS e Médicas/os de Urxencias Hospitalarias Imprimir Correo-e
Mércores, 10 Outubro 2012 08:31

oposicionsApróbase a oferta de Emprego Público para as categorías de FEAS (164 prazas) e Médicas/os de Urxencias Hospitalarias (12 prazas).


O DOG do 10 de outubro publica o DECRETO DE OFERTA DE EMPREGO de PERSOAL FACULTATIVO: DECRETO 198/2012, do 27 de setembro, polo que se aproba a oferta de emprego público correspondente a diversas categorías de persoal estatutario licenciado sanitario do Servizo Galego de Saúde para o ano 2012.  Descargar PDF

 
Convocadas as prazas de formación sanitaria especializada Imprimir Correo-e
Venres, 05 Outubro 2012 11:10

Mir-1O Ministerio de Sanidade, Servizos Sociais e Igualdade ven de publicar a Orde SSI/1998/2012, de 18 de setembro , pola que se aproba a convocatoria de probas selectivas 2012 para o acceso no ano 2013, a prazas de formación sanitaria especializada para Médicos, Farmacéuticos e outros graduados/licenciados universitarios do ámbito da Psicoloxía, a Química, a Bioloxía e a Física.

 
Nepotismo e Xefaturas Imprimir Correo-e
Xoves, 13 Setembro 2012 18:21

UN NOVO CHANZO NO SAINETE DO TRIBUNAL DA XEFATURA DE SERVIZO DE PSIQUIATRÍA DO CHOP

eroticapoder    O que está pasando co nomeamento de Xefe de Servizo do Complexo Hospitalario de Pontevedra (CHOP), é un cúmulo de despropósitos, así como un claro exemplo de nepotismo e, polo que se ve, tamén de incompetencia. Cando semellaba que o tema estaba “resolto” coa “selección” do candidato imposto polo SERGAS, agora resulta que esa “elección” non foi válida, que houbo que constituír unha nova Comisión de Avaliación (tribunal), e que o luns 17 de setembro terá lugar, de novo, o proceso de defensa dos respectivos currículos e proxectos técnicos por parte dos dous candidatos á praza.

   Na opinión da Agrupación Médica da CIG (AgM-CIG), a principal lección que cómpre tirar de todo este espectáculo, é que o actual marco legal de acceso ás xefaturas permite que os responsábeis do SERGAS poidan “designar” aos Xefes de Servizo en función de criterios alleos aos profesionais. Ese marco legal ten que ser modificado, de xeito que os méritos e capacidades profesionais dos candidatos sexan os principais determinantes no acceso ás xefaturas do SERGAS.

Ler máis...
 
AVANZAR CARA O PASADO: A SANIDADE COMO MERCADORÍA Imprimir Correo-e
Domingo, 09 Setembro 2012 16:47


Un interesante artigo para entender o que realmente está pasando na sanidade pública, é dicir, os motivos polos que algúns procuran o seu progresivo deterioro.

Roto_crisis_el_roto_1_thumb3  “... A obtención do dereito á saúde foi un dos beneficios sociais máis importantes da segunda metade do século XX, comparábel ao dereito ao voto, á educación, ou a ter unha pensión.

... o sector sanitario situouse no punto de mira de gobernos conservadores, institucións internacionais e grandes empresas (farmacéuticas, de tecnoloxía, de seguros e hospitalarias), e foi medrando progresivamente a presión para mercantilizar a sanidade. A razón é doada de entender: nunha fase de estancamento capitalista e de redución de beneficios, a atención sanitaria é un lugar ideal para facer negocios.” 

“... Os argumentos ideolóxicos, repetidos desde entón até a saciedade, son ben coñecidos: o sector público é “insostíbel” e “burocrático”, o sistema privado é “más eficiente” que o público, “a saúde pertence ao ámbito persoal”, os usuarios son responsábeis de “abusar da sanidade”. Nin a investigación científica nin a propia OMS confirman eses supostos.

... A sanidade pública é máis equitativa (sobre todo cando ten financiamento suficiente), eficiente (sobre todo cando se pula da atención primaria) e ten máis calidade que a privada.”

A Sanidade como mercadoría. ico_pdf

Interesante artigo de Joan Benach* publicado en “El País” o 16/08/2012.

*Profesor de Saúde Pública, membro do Grupo de Investigación en Desigualdades en Saúde da Universidade Pompeu Fabra.

 
<< Inicio < Anterior 1 2 3 4 5 6 7 8 9 10 Seguinte > Final >>


Confederacion Intersindical Galega - Federacion de Saude
Miguel F. Caaveiro 10 - 981 58 32 00 - 981 58 39 34
executiva@cig-saude.info- compostela@cig-saude.info