productivity13

Modulo1

espazo

SOS-3D-peq

Contratacións

Contratacions


Calendario Laboral

CALENDARIO-2018

Orde Conf. Nóminas

2018

 Orde-Nominas-2018-2.pdf

Exclusiva-3

CIG-Saúde e a Exclusividade

Información

SERGAS Xunta
D.O.G. BOE en Galego
Acceso a: Biblioteca  Cochrane Plus Fisterra, AP na rede
Diario Médico Acceso a: U.S. National Library of  Medicine
El Médico Interactivo FADSP

Lingua

en galego

 

Por un Dominio Galego na Internet

 

Tradutor

Web vella

logo

Afiliate xa!


O_Sindicalismo

Proba ECOE de Medicina de Familia o 6 de decembro Imprimir Correo-e
Luns, 28 Novembro 2011 22:32

man1As e os aspirantes de GALIZA, realizarán a proba ECOE o Martes 6 de decembro de 2011, co seguinte horario:
    08:00 horas.- De "Abdulkadir Kurdi" a "Salgado González".
    12:00 horas.- De "Salgado Rocha" a "Yáñez Fernández".


Lugar.- Hotel Auditorium Madrid, Centro de Congresos Príncipe Felipe, Av. de Aragón, 400 -28022 Madrid.


Páxina do Ministerio de Sanidade

Páxina da SEMFYC

 
Medicina de Familia. INFORMACIÓN PROBA E.C.O.E. 2011 Imprimir Correo-e
Mércores, 16 Novembro 2011 11:40

physician2Acceso excepcional ao título de Médico Especialista en Medicina Familiar e Comunitaria

INFORMACIÓN PROBA E.C.O.E. 2011

Está previsto que a proba de avaliación de competencias desenvólvase durante os días 3, 4, 5, 6, 9, 10, 17 e 18 de decembro de 2011 nas cidades de Madrid, Sevilla e Barcelona.

O luns 28 de novembro, o órgano responsable de cada Comunidade Autónoma notificará a convocatoria oficial dos aspirantes do seu ámbito territorial. A partir desta data, cada aspirante recibirá por correo postal a notificación oficial de convocatoria a exame, remitida desde o órgano competente da súa Comunidade Autónoma. A Convocatoria oficial desta proba anunciarase tamén nos taboleiros de anuncios das delegacións e subdelegacións do Goberno.

Ler máis...
 
Despois do “éxito”(??) da convocatoria de folga de CESM-OMEGA Imprimir Correo-e
Martes, 15 Novembro 2011 18:28

MILLONARIO-2Despois do “éxito”(??)  da convocatoria de folga de CESM-OMEGA, desde a Agrupación Médica da CIG (AgM-CIG) consideramos oportuno facer chegar a todos os facultativos do SERGAS, a nosa análise previa á folga. Esa análise é a que se adxunta despois desta introdución. Até agora, so a tiñamos difundido entre os nosos afiliados e simpatizantes, para evitar que alguén puidera argumentar que nos opoñiamos a unha folga contra os recortes.  

A desconvocatoria da folga e os motivos aducidos por CESM-OMEGA para facela, confirman plenamente a nosa análise. O sindicalismo médico corporativo non apostaba seriamente pola mobilización, non tiñan intención real de facer a folga, e a convocatoria non era máis que un amago por obxectivos diferentes que loitar contra os recortes.

Os “logros” acadados na “ardua negociación”, e que según CESM-OMEGA xustifican a desconvocatoria da folga, non teñen nada que ver cos motivos recollidos no texto de convocatoira da folga , e tampouco teñen nada que ver coa loita contra os recortes, coa que se pretendeu xustificar a folga. O sindicalismo médico corporativo heiche ben pouco serio.

Na acta de desconvocatoria da folga, so aparecen recollidos compromisos relacionados co CPV: a avaliación dos obxectivos independentemente de que se tiveran asinado ou non, e a desaparición de obxectivos excluíntes para o CPV-2012. Alegrámonos que o SERGAS poña por fin por escrito o que os seus responsábeis viñan recoñecendo desde hai tempo: a non avaliación de obxectivos aos que non asinen os obxectivos é manifestamente ilegal e contradictorio con múltiples sentenzas do Tribunal Superior de Xustiza de Galiza, e os obxectivos excluíntes afectaban a unha ínfima minoría de facultativos e xa tiñan decidido non incluílos para o CPV-2012.  En calquera caso eses “logros” non teñen nada que ver cos motivos recollidos no texto de convocatoria da folga, nin coa loita contra os recortes, nin coa aplicación da taxa de reposición que pode supoñer a perda de 900 postos de traballo de Facultativos nos próximos anos,  motivos principais que publicamente dicían que xustificaban a folga.

Ler máis...
 
Unha sanidade impagable Imprimir Correo-e
Martes, 15 Novembro 2011 12:46

Interesante comentario de Ignacio Escolar no seu blog: escolar.net frecha-r-2

"Unha sanidade impagable

Cinco argumentos contra aqueles que din que o gasto sanitario español é desmesurado ou que son inevitables os recortes e o copago.

1. España é dos países desenvolvidos que menos inviste en saúde: só o 9,7% do PIB, entre sanidade pública (6,6%) e privada (3,1%). Francia gasta o 11,7%; Alemaña, o 11,3%; Holanda, o 10,8%; e Estados Unidos, o 16,2%.

2. O sistema público de saúde cústalle a cada español uns 1.500 euros ao ano, que saen dos seus impostos. A media europea rolda os 2.100 euros. Francia (2.500), Alemaña (2.600) ou Reino Unido (2.100) tamén pagan máis por habitante.

3. Por 1.500 euros ao ano, España consegue unha cobertura pública, gratuíta e universal (a partir de xaneiro de 2012) cunhas prestacións moi superiores á media da UE: a proba é que tantos europeos vingan a operarse a España. Nos países sen sanidade pública, non hai seguro privado que ofreza uns servizos sanitarios da mesma calidade a un prezo tan baixo.

4. O investimento é pequeno, pero a rendibilidade é moi alta. España está entre os mellores países en case todos os indicadores de saúde: en esperanza de vida, en taxas de vacinación infantil ou en transplantes. Grazas aos sistemas de prevención, a mortalidade por cancro de mama, por exemplo, é case un 24% inferior á media da UE.

5. Que a nosa sanidade pública sexa tan eficaz como barata significa que é un dos mellores sistemas de saúde do planeta, como así se recoñece fóra de España. A súa eficiencia desmente tamén dúas falsidades: que o sistema sanitario español sexa un luxo insostible e que o privado funcione sempre mellor que o público.

Fonte: OMS e Eurostat, ano 2009"

 
Éxito nas mobilizacións en defensa da Sanidade Pública Imprimir Correo-e
Sábado, 29 Outubro 2011 22:12

ManifaVigo11_grande

Na súa páxina web a Plataforma SOS Sanidade Pública valora as miles de persoas que se mobilizaron nas diferentes áreas sanitarias de Galicia como un formidable respaldo ao sistema sanitario público e un rexeitamento ás políticas de recorte e privatización que está desenvolvendo a Xunta e a Consellería de Sanidade.


A Plataforma SOS Sanidade Pública engade que esta nova mostra de vontade cidadá demostra que a maioría das galegas e galegos, por encima das súas lexítimas posicións políticas, aposta por manter o carácter público do sistema sanitario que garante o acceso equitativo e universal aos servizos de saúde , e non está disposta a tolerar que, co pretexto da crise económica, se lles recórte ou privatice un dos seus dereitos fundamentais.

Máis información na web www.sos-sanidadepublica.org


Vídeo da Manifestación de Vigo producido pola CIG

 

 
A información que queren ocultar, o Novo Hospital de Vigo terá 900 camas segundo a Empresa Propietaria Imprimir Correo-e
Xoves, 27 Outubro 2011 07:29

A empresa norteamericana “Hill International “ seleccionada para xestionar a construción do novo Hospital de Vigo  publicaba na súa paxina web que o Novo Hospital de Vigo tería exclusivamente 900 camas. (http://www.gerenshill.com/proyectos_detalle.php?id=167&lan=)

Diante da repercusión da noticia retiraron esta información da súa páxina, pero temos copia en imaxe da información que publicaban.

Tal e como viñamos denunciando de xeito repetido, a Consellería de Sanidade ten a intención de que o Novo Hospital de Vigo teña só 900 camas e non as 1450 necesarias.

Captura-Gerens-Hill

 
Represalias no CHUVI por reclamar un Servizo digno e de calidade Imprimir Correo-e
Mércores, 19 Outubro 2011 14:40

RepresaliasA Agrupación Médica de CIG-Saúde de Vigo denuncia que a Xerencia do CHUVI toma represalias contra o Servizo de Hematoloxía cesando a unha Hematóloga que reclamaba un servizo digno, nas condicións laborais, e de calidade, na atención prestada á cidadanía.

O Servizo de Hematoloxía do CHUVI é un servizo punteiro do complexo hospitalario, que ten demostrada a súa alta cualificación ao ser o responsable de máis da metade dos transplantes de medula que se fan na comunidade autónoma. 

En ocasións anteriores xa temos denunciado as dificultades que a Dirección do CHUVI está a poñer no mantemento do alto nivel de calidade que o servizo presta á cidadanía. Hai uns meses puxeron problemas para contratar persoal que permitira continuar co programa de transplantes, so despois de denuncialo se solucionou o problema. 

O día 17 de outubro a Dirección do CHUVI comunica a unha hematóloga, contratada en comisión de servizos, precisamente pola súa experiencia en transplantes, que a cesa no seu contrato e que ten que incorporarase a súa praza de orixe ao día seguinte. 

Os profesionais mais comprometidos co traballo asistencial do servizo veñen denunciando diante da Dirección problemas organizativos, e propoñendo medidas organizativas e de xestión para solucionalos. 

Entre estes profesionais está a Hematóloga agora cesada. 

Desde a Agrupación Médica de CIG-Saúde queremos denunciar que este cese supón unha clara falta de respecto co traballo desenvolvido por esta profesional, e unha represalia do seu Xefe de Servizo e da Dirección do CHUVI polo seu compromiso coa Sanidade Pública e coa calidade asistencial que se presta aos pacientes.

 
CIG-SAÚDE RECLAMA O CUMPRIMENTO DOS ACORDOS DE AP-PACs Imprimir Correo-e
Martes, 04 Outubro 2011 07:59

pacs_3CIG-Saúde non denunciou os Acordos de Atención Primaria (de PAC e de Ordinaria) por que de facelo habería que negociar un novo acordo, e entendemos que non se dan as condicións para mellorar os aspectos básicos do acordo existente: xornada, retribucións e cadro de persoal. O SERGAS xa considera demasiado baixa a xornada acadada no acordo (1.430 hs) polo que custaría traballo non so mellorala, senón mantela nun novo acordo. As retribucións están conxeladas, cando non recortadas, polo que as posibilidades de incrementalas son nulas. Os cadros de persoal consolidadas polos acordos, que se ofertaron na pasada OPE e Traslados, incrementaríanse de modificarse as regras de voluntariedade, pero tendo en conta a actual taxa de reposición do 10% non sería posible.


Non denunciar os Acordos non quere dicir que aceptemos o xeito co que está a aplicalos a administración. CIG-Saúde reclama do SERGAS o cumprimento dos Acordos de Atención Primaria, de PAC e de Ordinaria, especialmente nos seguintes aspectos:

1.- Cómputo de xornada. O SERGAS está a aplicar criterios restritivos que penalizan, no computo de xornada, aos traballadores que teñan unha IT ou un permiso retribuído.

2.- Confección de calendarios. Reclamamos calendarios anuais coa participación das e dos traballadores, que separe a xornada ordinaria da complementaria e que respecte a xornada ordinaria do persoal de PAC e tódolos seus permisos.

3.- Cumprimento do Acta do 16 de xuño. Na aplicación en cada área reclamaremos que de quedar horas suficientes (1623 hs/anuais) se proceda á creación dun vinculo estable (obra é servizo) contratando persoal das listas de contratacións antes de ofertalas á voluntariedade.

4.- Contratación de persoal das listas. Reclamamos que se cumpra o apartado do acordo que establece que diante dunha ausencia, o primeiro é contratar persoal das listas de contratacións.

CIG-Saúde convocará asembleas en tódalas áreas para valorar as medidas a tomar diante destes incumprimentos.

 
Suspendidos os cursos programados para os Residentes Imprimir Correo-e
Venres, 30 Setembro 2011 10:09

doctor-1Suspéndense os cursos programados na formación especializada de profesionais do ámbito sanitario (MIR –Médicas/os Internos Residentes–, EIR –Enfermeiras/os Internos Residentes–, etc)

A Agrupación Médica de CIG-Saúde quere manifestar a súa preocupación polas noticias que nos chegan da suspensión dos cursos programados dentro da actividade formativa dos Residentes, tanto licenciados/as (Médicos/as, Farmacéuticos/as, Psicólogos/as, Químicos/as, Biologos/as e Físicos/as) como graduados/as - diplomados/as en Enfermaría.

A suspensión xa é efectiva nos cursos que comezaban estes días en diferentes áreas.

Esta situación pon en grave risco o prestixioso sistema de formación de especialistas, que é o que garante a calidade do servizo que estes prestan á cidadanía.

Desde a Agrupación Médica de CIG-Saúde instamos ao SERGAS a que aclare o motivo desta suspensión, e facemos un chamamento a que se teña en conta a importancia deste sistema formativo e que se garanta o seu funcionamento, xa que de non producirse, a situación de dispoñibilidade e formación das e dos futuros especialistas veríase gravemente comprometida.

 
CIG-Saúde rexeita a taxa de reposición na Sanidade Pública Imprimir Correo-e
Martes, 04 Outubro 2011 08:21

PLANO DE ESTABILIDADE 2011-2014 DO GOBERNO DO ESTADO ESPAÑOL =

PERDA DE POSTOS DE TRABALLO NA SANIDADE PÚBLICA
 

O Plano de Estabilidade 2011-2014 foi presentado perante a Comunidade Europea por Elena Salgado, Ministra de Economía e Facenda, e ratificado por Mariano Rajoy na súa reunión con Angela Merkel.
Plano-Estabilidade Este efecto perverso de eliminación de postos de traballo na Sanidade Pública manterase ata o ano 2014. É dicir, ata o 2014 só se poderá cubrir un 10% das prazas vacantes. O resto das prazas serán amortizadas. Con posterioridade ao 2014 o cadro de persoal da Sanidade Pública estará tan mermado que a prestación de servizos será inviable.
 

Desde a CIG-Saúde, ao igual que fixemos no ano 2011, iniciamos unha campaña de denuncia e reivindicación para que o goberno da Xunta de Galiza e os partidos políticos do parlamento do Estado Español rexeiten que os orzamentos do ano 2012 contemplen a taxa de reposición nos servizos públicos.
 

De non producirse isto, desde CIG-Saúde instamos ao Goberno Galego a que en uso das súas competencias, esixa ao goberno do Estado Español que a taxa de reposición non teña a consideración de normativa básica. E ao SERGAS a que se cubran a totalidade das prazas.
 

Qué interese tén o goberno en eliminar os postos de traballo na Sanidade Pública?

Será que esta medida lle facilita as súas ansias privatizadoras?
 

NA DEFENSA DO SISTEMA SANITARIO PÚBLICO, DEFENDE O TEU POSTO DE TRABALLO!

 
Convocado o Exame e as Prazas MIR Imprimir Correo-e
Martes, 27 Setembro 2011 19:47

Publícanse no BOE do 27 de setembro as ofertas de prazas de formación de diversas especialidades, así MIR-verdecomo a convocatoria de proba selectiva para acceder a esas prazas:

Orde SPI/2549/2011, de 19 de setembro, pola que se aproba a convocatoria de probas selectivas 2011 para o acceso no ano 2012, a prazas de formación sanitaria especializada para Médicos/as, Farmacéuticos/as e outros/as graduados/as - licenciados/as universitarios do ámbito da Psicoloxía, Química, Bioloxía e Física.

As probas realizaranse o sábado, día 28 de xaneiro de 2012.

 
Publicada a Orde de Reavaliación das Xefaturas Imprimir Correo-e
Xoves, 28 Xullo 2011 09:31

birretePublicase no DOG do 28 de xullo a Orde do 6 de xullo de 2011 pola que se establecen as bases do procedemento para a reavaliación de determinadas xefaturas de persoal licenciado sanitario do Servizo Galego de Saúde.

Na Orde establécese que serán avaliadas tamén as xefaturas provistas polo sistema establecido na Orde do 5 de febreiro de 1985.

 
Elementos centrais do CPV Imprimir Correo-e
Mércores, 29 Xuño 2011 19:41

Os elementos centrais da posición sobre o Complemento de Produtividade Variábel (CPV) da Agrupación Médica de CIG-Saúde (AgM-CIG).


 

A sensatez e a negociación, e non a imposición, deben ser o fío condutor da negociación do CPV. Na AgM-CIG temos posicións claras sobre que defender nesa negociación. Nos puntos que seguen explicitamos os elementos centrais da posición de CIG-Saúde sobre o CPV dos facultativos.

Ler máis...
 
Sectarismo e irresponsabilidade do SERGAS no retorno ao servizo activo Imprimir Correo-e
Mércores, 29 Xuño 2011 17:50

ana_pastormaria-mendezSe Ana Pastor, médico de familia, ou Francisco Villar, cirurxián, se reintegraran á actividade profesional despois dos anos que levan sen exercer, faríanlles o mesmo que a María Méndez, e so lles darían 1 mes para reciclaxe?


SECTARISMO E IRRESPONSABILIDADE DO SERGAS NO REINGRESO DUNHA FACULTATIVA AO SERVIZO ACTIVO TRAS OCUPAR UN CARGO PÚBLICO.


Tras ocupar cargos de representación pública, xa sexa no mundo sindical ou político, aos profesionais sanitarios se lles recoñecía un período equivalente a un mes de reciclaxe por ano de exercicio do cargo electo, afastado do exercicio profesional activo, cun máximo de cinco meses.


Este tempo non é un privilexio destes profesionais, é un  dereito dos pacientes a ser atendidos por profesionais coa formación actualizada, e é, tamén, un dereito da sociedade a que profesionais cualificados do ámbito sanitario dediquen un tempo da súa vida ao servizo á cidadanía en funcións de representación política ou sindical.


Esta situación non está especificamente regulada no SERGAS, polo que até este momento se lle aplicaba a que está recollida no artigo 62 do Decreto 206/2005, de provisión de prazas de persoal estatutario do Servizo Galego de Saúde, para cargos directivos do SERGAS.


Durante anos producíronse incorporacións de facultativos tras ocupar cargos políticos ou sindicais, que deixaron a actividade asistencial sabendo que, no seu retorno, terían un tempo para realizar a reciclaxe necesaria.


No último mes, e trala solicitude de reingreso da ex-concelleira María Méndez Piñeiro, médica especialista en Medicina Interna afiliada á CIG, ao servizo de Medicina Interna do CHUVI, ao que pertence, esta situación mudou.


A dirección do Complexo Hospitalario decide que o que se aplicaba a outros e outras na mesma situación xa non vale, que como non está regulado non ten a obriga de recoñecer ese permiso para reciclaxe.


A Dirección do SERGAS ratifica esta posición e dí que emitirá unha instrución para regular esta situación, na que non se recoñecerá o permiso para reciclaxe para un tempo concreto, senón que quedará ao criterio da Dirección correspondente. Para xustificar o sectarismo sacarán unha regulación “a posteriori”.


Con estas medidas están privando aos profesionais asistenciais do ámbito da sanidade do seu dereito á participación política e sindical, e están privando á sociedade das súas aportacións, xa que por responsabilidade ningún facultativo deixará a súa actividade se non ten garantido un tempo mínimo de reciclaxe ao seu regreso.


A Agrupación Médica de CIG-Saúde solicita do SERGAS que, pensando nos pacientes, na coherencia do sistema e nos dereitos das e dos profesionais, non adopte medidas sectarias e irresponsables.

 
<< Inicio < Anterior 1 2 3 4 5 6 7 8 9 10 Seguinte > Final >>


Confederacion Intersindical Galega - Federacion de Saude
Miguel F. Caaveiro 10 - 981 58 32 00 - 981 58 39 34
executiva@cig-saude.info- compostela@cig-saude.info