productivity13

Modulo1

espazo

SOS-3D-peq

Contratacións

Contratacions


Calendario Laboral

CALENDARIO-2018

Orde Conf. Nóminas

2018

 Orde-Nominas-2018-2.pdf

Exclusiva-3

CIG-Saúde e a Exclusividade

Información

SERGAS Xunta
D.O.G. BOE en Galego
Acceso a: Biblioteca  Cochrane Plus Fisterra, AP na rede
Diario Médico Acceso a: U.S. National Library of  Medicine
El Médico Interactivo FADSP

Lingua

en galego

 

Por un Dominio Galego na Internet

 

Tradutor

Web vella

logo

Afiliate xa!


O_Sindicalismo

Asinamos o Pacto de Contratación de FEAS Imprimir Correo-e
Martes, 20 Novembro 2018 17:37

Pacto-FEAS-2018

 
A negociación da Carreira Profesional 2018 Imprimir Correo-e
Luns, 09 Xullo 2018 08:55

Despois de meses de mobilizacións e negociacións CIG-Saúde asina a Carreira Profesional para o persoal de SERGAS, rompendo e estreito marco negociador que se establecera nunha acta asinada polas Organizacións Sindicais da Mesa Sectorial agás CIG-Saúde.

Romper o marco significa máis graos de carreira para máis profesionais e ter un modelo de carreira que pode ser unha boa ferramenta para a xestión da Sanidade Pública do futuro.

Sen a continuidade do conflito por parte de CIG-Saúde, e o apoio das traballadoras/es ás mobilizacións convocadas estes 8 meses sería imposible mellorar a CARREIRA PROFESIONAL que nacía nunha negociación fortemente condicionada pola Acta asinada polo resto de sindicatos en outubro de 2017 na que, ademais de desconvocar unha folga unitaria, so garantía un encadre en un único grao e por unha soa vez, só incluía ao persoal fixo (o persoal interino quedaba excluído de xeito explícito ao aceptar o marco legal actual: Lei de saúde), e non garantía o valor económico do complemento de carreira ordinaria.

A presión de CIG-Saúde continuou cando CESM, en solitario, asinou un documento que deixaba sen carreira retribuída ao persoal interino. Esa presión permitiu reabrir a negociación e mellorar o documento, que xa lle valía a CESM, incorporando ao persoal interino á Carreira Profesional e mellorando as condicións do segundo encadre.


Esquema das diferentes actas asinadas durante a negociación da Carreira Profesional: ico_pdf


CIG-Esquema-negociacion-carreira-2018-Final

 
Esquema da Carreira Profesional Ordinaria no SERGAS Imprimir Correo-e
Luns, 09 Xullo 2018 08:45

Esquema que recolle os elementos fundamentais da Carreira Profesional  ico_pdf

 

CIG-Carreira-Profesional-2008-Esquema-Final

 
CIG-Saúde e a Carreira Profesional Imprimir Correo-e
Venres, 06 Xullo 2018 14:19

CIG-SAÚDE apoia o documento de carreira profesional pactado na Mesa Sectorial do SERGAS

Compostela, 6 de xullo de 2018.- Despois de 8 meses de negociación na mesa sectorial, mobilizacións e folga,  desde a CIG-SAÚDE conseguimos superar as limitacións que había na negociación da carreira, condicionada pola acta asinada polo resto das organizacións sindicais de mesa sectorial, que non incluía ao persoal interino na carreira, condicionaba o valor económico do complemento de carreira ás dispoñibilidades orzamentarias e limitaba o acceso excepcional a un só grao retribuído.


A CIG-Saúde soportou a intención dalgunha Organización Sindical, que pretendía que a Admón nos deixase fóra desta negociación, e que só negociase coas/os asinantes da acta. Tamén houbo de soportar unha campaña baseada en argumentos absurdos e claramente demagóxicos que xa forman parte da campaña electoral para as eleccións sindicais do 2019, sen que puideramos observar a mesma combatividade na negociación da Carreira na Mesa Sectorial.

O logro das medidas que se recollen neste acordo é froito do traballo sindical da CIG-SAÚDE e das/os traballadoras/es. O persoal, coa información que as/os delegadas/os lle facían chegar, apoiaron as mobilizacións, que en solitario convocaba a CIG-SAÚDE, para que se producira unha verdadeira negociación de carreira.

Estes son os motivos polos que desde a CIG-SAÚDE decidimos asinar este documento de Carreira Profesional:

1.- Por contar co apoio das/os trabalaldoras/es que formaron parte desta negociación coa súa participación nas mobilizacións convocadas pola CIG-SAÚDE.

2.- Por conseguir negociar un único documento de carreira profesional para todas as categorías, a diferencia do réxime extraordinario, que se cobrou con anos de diferencia segundo as categorías.

3.-Por ter superado as limitacións iniciais na negociación, que foran aceptadas nunha acta asinada polo resto de organizacións sindicais da Mesa Sectorial:

  -Porque a carreira ordinaria inclúe ao persoal interino que quedaba fóra.

  -Porque o valor retributivo  do grao  desta carreira é o mesmo valor que o do réxime extraordinario.

  -Porque o persoal vai acceder a 2 graos de carreira de xeito excepcional.

4.- Porque se establece un sistema de carreira ordinaria sen cupos, todo o persoal poderá acceder a carreira.

5.- Porque o SERGAS con este acordo restitúe un dos acordos suspendidos desde o ano 2010.

CIG-Saúde recoñece que esta carreira asinada non recolle o 100% das súas reivindicacións, pero cando negociamos sabemos que é moi difícil chegar ao 100%, e pensamos que este documento asinado é un paso positivo para o conxunto das traballadoras e traballadores e para o desenvolvemento da sanidade pública do futuro.

Agora todas as organizacións apuntaranse a isto, mais agardamos que reflexionen sobre a acta que asinaron, que dificultou esta negociación.

O esforzo negociador da CIG-Saúde conseguíu que o SERGAS incremente a Masa Salarial destinada á Carreira Profesional en máis do dobre do previsto inicialmente.

Este recoñecemento ao persoal é imprescindible para poñer en valor o esforzo dos/as traballadoras ao longo destes últimos 8 anos, tanto no ámbito económico como no laboral.

Cadro do valor do grao:
Carreira-cantidades

 
Reclamamos recoñecemento profesional e condicións de traballo dignas para o persoal facultativo Imprimir Correo-e
Martes, 05 Xuño 2018 07:03

No ámbito do Foro Marco para o Diálogo Social, definida no Estatuto Marco como a mesa de diálogo e información de carácter laboral dos RRHH do Sistema Nacional de Saúde, vaise modificar a normativa actual, para intentar mellorar as condicións laborais dos postos de traballo de persoal facultativo de difícil cobertura.

Mir-1A competencia para negociar as devanditas condicións de traballo é dos servizos de saúde das CCAA, polo que algún servizo de saúde xa negociou estas condicións. Aquí esa competencia é da Mesa Sectorial do SERGAS.

Desde CIG-SAÚDE levamos tempo denunciando esta situación, instando ao SERGAS a debater este tema na Mesa Sectorial.

Agora, agardemos que o SERGAS negocie na Mesa Sectorial as medidas para as prazas de difícil cobertura, e en xeral medidas para todo persoal facultativo.

Propostas de CIG-SAÚDE para Atención Primaria e Hospitalaria:

taboa-medidas-facultativos

A  permanencia do persoal facultativo no SERGAS non vai a ser efectiva se só se aplican políticas que conteñan obrigas, sen dereitos para o persoal facultativo, e para o resto de persoal, non solucionaremos nada.


O mellor incentivo é o recoñecemento profesional e unhas condicións de traballo dignas.

Isto é posible sempre que haxa vontade política.

 
ONCE (11) ANOS DE GOBERNO DO PP = Retroceso nas condicións laborais do persoal facultativo. Imprimir Correo-e
Sábado, 26 Maio 2018 09:32
ONCE (11) ANOS DE GOBERNO DO PP = Retroceso nas condicións laborais do persoal facultativo.


No ano 2007, nunha situación laboral similar á que hoxe está a padecer o persoal facultativo, negociouse na Mesa Sectorial do SERGAS un acordo de estabilidade do persoal Facultativo, como así se recolle na ACTA asinada entre o SERGAS é as organizacións sindicais.


Na devandita acta recóllense, entre outros, os seguintes acordos:

Acta-Lista-FEAS

Particularmente, nese marco analizarase coa maior brevidade posible o sistema de incorporación/cesamento de profesionais, de acordo coas necesidades existentes tras a toma de posesión. Darase relevancia en todo caso, á experiencia profesional acreditada no SERGAS e ao resultado da fase de selección do proceso selectivo.

 

ONCE ANOS DESPOIS CAL É A SITUACIÓN?


O SERGAS, a pesares das reiteradas peticións que fixemos as organizacións sindicais da Mesa Sectorial, segue a ter paralizada a negociación do proceso de selección temporal de FEAS, impedindo que existan unha listaxes de contratacións confeccionadas tras a negociación dun baremo, para ofertar os vínculos do SERGAS atendendo aos principios de igualdade, mérito e capacidade.


Ditas listaxes tamén se utilizarían como criterio de cese, cesando a/o profesional que menos puntuación acreditase.


CIG-SAÚDE esixe do SERGAS que convoque xa a comisión técnica de selección temporal de FEAS, que leva meses sen convocar.


CIG-SAÚDE ten proposto ao SERGAS que os nomeamentos do persoal sexan por distritos, que será o seu ámbito de prestación, e non un nomeamento de área.

 
Coa modificación da Lei de Saúde o ámbito de prestación das áreas será provincial, nas provincias de Ourense e Lugo, e no resto haberá unha mobilidade forzosa entre os hospitais da mesma área.

 
En defensa da DEDICACIÓN EXCLUSIVA Imprimir Correo-e
Sábado, 26 Maio 2018 10:18

defensa-sanidade-publica-4

A ofensiva a prol da desaparición da dedicación exclusiva que levan adiante os sectores médicos máis conservadores dá un novo paso adiante.

E mentres isto sucede, as e os profesionais partidarios da defensa da sanidade pública e da exclusividade non podemos quedar calados.

Na Agrupación Médica de CIG-Saúde (AgM) defendemos que a sanidade pública debe procurar que os seus profesionais traballen en exclusiva para ela, e con maior razón os de maior cualificación. Isto é tan evidente que até os propios seguros médicos privados pretenden contratar ás súas médicas e médicos en réxime de exclusividade.

A Agrupación Médica da CIG está convencida que a dedicación exclusiva das médicas e médicos é un elemento esencial para termos un sistema sanitario público de calidade pois, con todas as excepcións individuais que se queira, os profesionais con exclusividade demostran un maior compromiso coa sanidade pública.

As e os profesionais que defendemos a dedicación exclusiva, como elemento imprescindíbel dun sistema sanitario público eficiente e de calidade, temos que reaccionar diante da ofensiva conservadora que tenta eliminala do sistema sanitario público.

Temos que ser quen de defender activa e publicamente, entre as nosas compañeiras e compañeiros e diante da sociedade, a existencia da dedicación exclusiva á sanidade pública.

 
Sanidade convocará 6.526 prazas MIR, as comisións das especialidades pedían 6.687 Imprimir Correo-e
Luns, 31 Xullo 2017 08:23

Mir-1O Ministerio de Sanidade ofertará 6.526 prazas MIR para a convocatoria 2017-2018, un 3,9 por cento máis que o ano pasado.

As Comisións das especialidades solicitaban 6.687 polo que se perden 152 prazas MIR acreditadas.  O número de prazas a cubrir podería ser menor de se producir a desacreditación dalgunha unidade docente; na pasada convocatoria, as 6.328 prazas aprobadas polo ministerio e autonomías, quedáronse nas 6.281 finalmente ofertadas, trala desacreditación de 47 postos de formación.


Segundo fontes ministeriais, a oferta global de prazas de formación sanitaria especializada que, ademais das prazas médicas, inclúe as de Enfermería, Farmacia, Psicoloxía, Bioloxía, Radio física e Química, tamén crece con respecto á pasada convocatoria, pasando de 7.772 ás 8.057 acordadas este ano na reunión do Pleno da Comisión de Recursos Humanos que tivo lugar o pasado 26 de xullo para pechar a oferta definitiva de postos. Neste caso ás Comisións de especialidades solicitaban 8.576, pérdense 519 prazas de formación sanitaria especializada.

O total de prazas ofertadas quedaría:

·         6.526 prazas para médicos,

·         245 para farmacéuticos,

·         135 para psicólogos,

·         33 para radio físicos,

·         65 para químicos, biólogos e bioquímicos,

·         1.053 para Enfermería (un 5,9 por cento máis que na pasada convocatoria).

 
Selección temporal de FEAS: aasignatura pendente do SERGAS Imprimir Correo-e
Xoves, 22 Xuño 2017 11:57

Medico-aSELECCIÓN TEMPORAL DE PERSOAL FACULTATIVO DE ATENCIÓN ESPECIALIZADA

A ASIGNATURA PENDENTE DO SERGAS ico_pdf


Neste ano cúmprense  25 anos do primeiro pacto de selección temporal do persoal estatutario do SERGAS. En cada pacto fóronse incluíndo novos colectivos profesionais, vencendo a resistencia   do SERGAS , de deixar fora do mesmo as/os licenciadas/os sanitarios.


O actual pacto recolle a selección temporal de licenciadas/os sanitarios das categorías de: Médicas/os de Familia, Pediatras  e Odontólogas/os de atención primaria e Psicólogas/os Clínicos. E agora, por fin, parecía que a Administración sanitaria ía rematar coa arbitrariedade na contratación de FEAS (Facultativos Especialistas de Área), e o pacto de selección temporal de persoal Facultativo de Atención Hospitalaria ía ser unha realidade.


O Plano de estabilidade publicado o día 4 de maio de 2017, volve a recoller un procedemento de selección de licenciadas/os sanitarios para atención especializada.  O día 5 de maio de 2017, convocase a primeira, e única reunión da comisión técnica. Nesta reunión a Administración fíxonos entrega do borrador de selección temporal de FEAS, e desde aquela nunca mais.


  • O plano de estabilidade do SERGAS recolle que a data 30 de xuño de 2017 estaría rematado o procedemento de estabilidade no emprego deste colectivo.

 

  • Que esta a pasar para que o SERGAS non convoque unha nova reunión da comisión técnica?

 

  • Que interese hai en seguir tendo na máis absoluta precariedade as/os licenciados sanitarios de atencións especializada?

 

  • Por qué o SERGAS non esta a cumprir o seu propio plano de estabilidade?

 

  • Coma unha Administración pode ter a un colectivo profesional asinando contratos, día si, día non, en vez de ofertarlle  vínculos de estabilidade, xa autorizados?

 
CIG-SAÚDE esixe do SERGAS a convocatoria inmediata  da comisión técnica de selección temporal de licenciados sanitarios de atención especializada.

Esiximos a inmediata negociación e aprobación do pacto de selección temporal, e que os vínculos de curta e longa duración se oferten polas listaxes resultantes deste procedemento.

Non ten ningún sentido manter a precariedade laboral.

 
Publicación de persoas admitidas e tribunais da OPE Imprimir Correo-e
Luns, 12 Xuño 2017 10:17

O SERGAS informa que está previsto que o 13 de xuño se publique no Diario Oficial de Galicia a relación definitiva de admitidos/excluídos e os membros dos tribunais dos procesos selectivos de persoal licenciado sanitario e de xestión e servizos convocados por Resolución da Dirección Xeral de Recursos Humanos do 22 de decembro de 2016.

 
Convocatoria de concurso de traslados de FEAs Imprimir Correo-e
Martes, 06 Xuño 2017 10:56

maletas-2O luns 5 de xuño publicouse no DOG a Resolución do 23 de maio de 2017, da Dirección Xeral de Recursos Humanos, pola que se convoca concurso de traslados para a provisión de diversas prazas básicas de persoal licenciado sanitario deste organismo.

Prazo de presentación de solicitudes: Dende o 6 de xuño e ata o 5 de xullo de 2017.

Cada concursante deberá cubrir unha única solicitude de participación por categoría/especialidade, en modelo normalizado, a través da Oficina Virtual do Profesional (FIDES/expedient-e/Sección de Procesos).

Descarga a publicación  aquí.

 
Puntuacións definitivas Listas de Contratacións Imprimir Correo-e
Xoves, 18 Maio 2017 07:20

List-Of-Bitter-HerbsNo DOG do xoves 18 de Maio publícase a RESOLUCIÓN da Dirección Xeral de Recursos Humanos, pola que se publica a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de, entre outras, as seguintes categorías:

médico/a de familia,

médico/a de urxencias hospitalarias,

pediatra de atención primaria.

 
SELECCIÓN TEMPORAL de FEAS. O SERGAS propón unha entrevista persoal que puntúa máis que a suma do tempo traballado e a investigación Imprimir Correo-e
Xoves, 20 Abril 2017 12:01

Seleccion-TEMPORAL-FEAS-abril17CIG-SAÚDE non pode apoiar un baremo de selección temporal de persoal facultativo  no que o maior peso do baremo sexa a entrevista persoal.

O primeiro acordo de negociar un procedemento de selección temporal regrado e con criterios obxectivos para o persoal facultativo de atención especializada data do 13 de febreiro de 2007.

No pacto de contratacións do ano 2011, o SERGAS volveu a comprometerse a negociar o pacto de selección temporal de FEAS, sen que nunca tivera lugar durante a vixencia do mesmo.

Agora, no ano 2017, o SERGAS abriu a mesa de negociación.


Para CIG-Saúde, co baremo de selección temporal para o persoal facultativo que propón o SERGAS, é discutible que o procedemento de selección se realice con criterios obxectivos.

O Plano de Estabilidade aprobado na mesa sectorial do SERGAS o día 17 de marzo, co voto en contra da CIG-SAÚDE, por non ter un censo de profesionais que nos permitise coñecer a realidade da precariedade laboral e por non converter en prazas vacantes todas as prazas xeradas desde o 2010 que levan cubertas con contratos precarios de forma continuada, non pretende rematar en serio coa precariedade laboral.

O Plano de Estabilidade fala da creación de 400 prazas, pero non sabemos a que colectivos corresponde, a que áreas sanitarias, nin cales van ser as especialidades médicas obxecto deste plano.

O que si sabemos é que o baremo de selección de FEAS vai conter:

-          12 puntos de formación.

-          2 puntos por coñecemento de lingua galega.

-          22 puntos de experiencia profesional.

-          4 puntos por investigación e innovación sanitaria.

Non se sabe cantos puntos pretende outorgar o SERGAS á fase de oposición.

Pero o que si di o Plano de Estabilidade é que as convocatorias axustaranse ao previsto no artigo 67 do decreto 206/2005, de selección e provisión:

E isto que quere dicir? que neste baremo incluirase a realización dunha entrevista persoal, á que se lle poderá conceder un máximo de 30 puntos que sería superior á suma da experiencia profesional e toda a produción científica que teña o persoal facultativo.

Desde CIG-SAÚDE non podemos aceptar ese baremo e propoñemos un baremo obxectivo, coma o utilizado para o resto de persoal facultativo: médicas/os de familia, pediatras de atención primaria, odontólogas/os... persoal seleccionado mediante un baremo de méritos, sen entrevista persoal.

 
<< Inicio < Anterior 1 2 3 4 5 6 7 8 9 10 Seguinte > Final >>


Confederacion Intersindical Galega - Federacion de Saude
Miguel F. Caaveiro 10 - 981 58 32 00 - 981 58 39 34
executiva@cig-saude.info- compostela@cig-saude.info